پٹنہ، 20 دسمبر (ہ س)۔ وزیر اعلیٰ نتیش کمار نے مہاراشٹر کے ناگپور میں بوٹی بوری کے مہاراشٹر انڈسٹریل ڈیولپمنٹ کارپوریشن (ایم آئی ڈی سی) علاقے میں واقع سولر پینل بنانے والی فیکٹری میں پانی کی ٹینک پھٹنے سے بہار کے چھ مزدوروں کی موت پر گہرے رنج و غم کا اظہار کیا۔

انہوں نے اس واقعہ کو انتہائی افسوسناک قرار دیا۔ وزیراعلیٰ نے اللہ تعالیٰ سے دعا کی کہ وہ مرنے والے کے کارکنوں کے سوگوار لواحقین کو دکھ کی اس گھڑی میں صبر جمیل عطا فرمائے۔

وزیر اعلیٰ نے اس واقعہ میں مرنے والے بہار کے مزدوروں کے لواحقین کو وزیر اعلیٰ ریلیف فنڈ سے ہر ایک کو 2 لاکھ روپے کی ایکس گریشیا گرانٹ دینے کا اعلان کیا۔

انہوں نے عہدیداروں کو بہار سے آنے والے زخمی کارکنوں کے مناسب علاج کا بندوبست کرنے کی بھی ہدایت دی۔ وزیراعلیٰ نے حادثے میں زخمی ہونے والوں کی جلد صحت یابی کی دعا بھی کی۔

وزیر اعلیٰ نے دہلی میں بہار کے ریزیڈنٹ کمشنر کو ہدایت دی ہے کہ وہ صورتحال کا جائزہ لیں اور زخمیوں کو مناسب علاج کے ساتھ ساتھ ہر ممکن مدد فراہم کریں اور ہلاک ہونے والے مزدوروں کی لاشوں کو ان کے آبائی گاؤں پہنچانے کے لیے تمام ضروری انتظامات کریں۔

ہندوستھان سماچار

ہندوستان سماچار / Mohammad Afzal Hassan