کٹیہار، 20 دسمبر (ہ س)۔ضلع کے روشنا تھانہ پولیس نے غیر قانونی شراب کے خلاف بڑی کارروائی کرتے ہوئے ایک ٹیمپو سے کل 104.145 لیٹر غیر ملکی شراب کے ساتھ تین اسمگلروں کو گرفتار کر لیا۔ روشنا تھانہ انچارج کو اطلاع ملی کہ تین افراد مغربی بنگال سے دو ٹیمپو میں شراب کی کھیپ لے کر مہانندا چیک پوسٹ کے قریب آرہے ہیں۔ معلومات کی تصدیق اور ضروری کارروائی کرنے کے لیے تھانہ انچارج نے پولیس فورس کے ساتھ مہا نندا چیک پوسٹ کے پاس پہنچ کر گاڑی کی تلاشی شروع کی۔پولیس نے بتایا کہ گاڑی کی چیکنگ کے دوران ٹیمپو میں سوارشخص تیزی سے پولیس فورس کو دیکھ کر بھاگنے لگے۔ پولیس فورس کی مدد سے انہیں گرفتار کیا گیا۔ گرفتار ملزمین کی شناخت سنیل کمار منڈل (35) ولد دھیانی منڈل، گاؤں بکیا ڈومر، تھانہ پوٹھیا ضلع کٹیہار ، رمن کمار (23)ولد رامیشور بھگت، گاؤں بشن پور، تھانہ کوئیرہ، ضلع کٹیہار اور امت کمار یادو (19)، ولد گنگا یادو، گاؤں رام پور، تھانہ کوئیرا، ضلع کٹیہار کے طور پر ہوئی ہے۔ گرفتار ملزمین کے خلاف مقدمہ درج کرکے مزید کارروائی کی جارہی ہے۔ہندوستھان سماچار

ہندوستان سماچار / Mohammad Afzal Hassan