نوئیڈا، 14 دسمبر (ہ س)۔ آسمان میں زہریلی دھند کی موٹی لیئر کی وجہ سے قومی دارالحکومت خطہ میں سانسوں پر آفت آ گئی ہے۔ این سی آر گیس چیمبر بن چکا ہے۔ نوئیڈا آج ملک کا سب سے آلودہ شہر رہا ہے، جبکہ غازی آباد، گریٹر نوئیڈا، دہلی بھی ڈارک ریڈ زون میں پہنچ گیا ہے۔ اس کی وجہ سے یہاں رہنے والے لوگوں کی سانسوں پر آفت بن گئی ہے۔ لوگوں کو سانس لینے میں پریشانی ہو رہی ہے۔ آنکھوں میں جلن ہو رہی ہے۔ دمہ، امراض قلب، ٹی بی اور کھانسی کے مریضوں کی حالت کافی خراب ہو گئی ہے۔ حکومت کے ذریعے گریپ-4 نافذ کر دیا گیا ہے۔ آج سے این سی آر میں بی ایس-3 اور بی ایس-4 گاڑیوں پر روک لگا دی گئی ہے۔ سبھی طرح کی سرکاری اور نجی تعمیرات اور توڑ پھوڑ پر روک لگا دی گئی ہے۔ 12 ویں تک کے اسکولوں کو ہائبرڈ موڈ (آف لائن اور آن لائن دونوں) پر چلانے کے لیے ہدایت دی گئی ہے۔

مرکزی آلودگی کنٹرول بورڈ کے اتوار صبح کے اعداد و شمار کے مطابق نوئیڈا کا ایکیوآئی 469 درج کیا گیا۔ گریٹر نوئیڈا کا 442، غازی آباد کا 459، دہلی کا 460، بہادر گڑھ کا 444، باغپت کا 444، پانی پت کا 454، میرٹھ کا 355، مانیسر کا 363، گروگرام کا 357 ایکیوآئی درج کیا گیا۔ این سی آر کے سبھی اہم شہر ڈارک ریڈ زون میں پہنچ گئے ہیں۔ یہ صورتحال کافی خوفناک ہے۔ فضائی آلودگی بڑھنے کے سبب قومی دارالحکومت خطہ میں رہنے والے لوگوں کا جینا کافی مشکل ہو گیا ہے۔ لوگ گھر سے نکلنے سے کترانے لگے ہیں۔ اس سے کاروبار پر بھی کافی اثر پڑا ہے۔ کرسمس کا مہینہ ہونے کے باوجود بھی لوگ فضائی آلودگی کے سبب گھروں سے نہیں نکل رہے ہیں۔ اتوار کو بھی یہاں کے بازاروں میں لوگ کافی کم نظر آئے۔

دہلی، نوئیڈا اور گریٹر نوئیڈا کے اہم آلودگی والے ذرات پی ایم 2.5 رہے۔ غازی آباد کی ہوا میں پی ایم 10 اور پی ایم 2.5 دونوں ہی آلودگی نمایاں طور پر پائے گئے۔ این سی آر میں ہوا کی رفتار 9 کلومیٹر فی گھنٹے سے کم رہی۔ ٹھنڈ بڑھنے سے آلودگی کے ذرات فضا میں زیادہ دیر تک برقرار ہیں۔ ماہرین نے بتایا کہ اگلے 4-3 دنوں تک لوگوں کو آلودہ ہوا سے راحت ملنے کا امکان نہیں ہے۔ لوگوں کا کہنا ہے کہ جب تک بارش نہیں ہوگی تب تک یہی صورتحال برقرار رہنے کا امکان ہے۔

فضائی آلودگی بڑھنے کے بعد کمیشن فار ایئر کوالٹی مینجمنٹ کی ہنگامی میٹنگ ہوئی اور گریڈڈ رسپانس ایکشن پلان 4 نافذ کر دیا گیا۔ اس کے تحت سبھی طرح کی سرکاری اور نجی تعمیرات اور توڑ پھوڑ پر روک لگا دی گئی۔ قومی دارالحکومت خطہ میں ٹرکوں کے داخلے پر پابندی لگائی گئی ہے۔ دہلی، گروگرام، فرید آباد، غازی آباد، گوتم بدھ نگر میں سی این جی اور بی ایس-6 ڈیزل گاڑیوں کو چھوڑ کر دہلی سے باہر رجسٹرڈ ہلکی کمرشل گاڑیوں پر پوری طرح سے روک لگائی گئی ہے۔ ڈیزل جنریٹر کے استعمال اور کھلے میں کوڑا جلانے پر پابندی لگا دی گئی ہے۔ وہیں یہاں کے سبھی اسکولوں کو 10 ویں اور 12 ویں کو چھوڑ کر پڑھائی ہائبرڈ موڈ پر (آن لائن اور آف لائن) کر دی گئی ہے۔ کافی اداروں نے ملازمین کے لیے ورک فرام ہوم کا اصول نافذ کر دیا ہے۔

ہندوستھان سماچار

---------------

ہندوستان سماچار / انظر حسن