حیدرآباد، 11 دسمبر (ہ س)۔ نیشنل انسٹی ٹیوٹ آف ٹکنالوجی ورنگل میں فیکلٹی جائیدادوں پر تقررات کے لیے نوٹیفیکیشن جاری کیا گیاہے ۔ 45 جائیدادوں پر تقررات کے لیے31 دسمبر تک اہل امیدوار آن لائن درخواستیں داخل کرسکتے ہیں ۔ 45 جائیدادوں میں پروفیسرس کے 2 اسوسی ایٹ پروفیسر کے 8 اسسٹنٹ پروفیسر گریڈ I کے 8 اسسٹنٹ پروفیسر گریڈ II کے 27 جائیدادیں ہیں ۔ان جائیدادوں پر درخواستیں داخل کرنے کے لیے امیدوار کو کسی بھی تسلیم شدہ بورڈ یا یونیورسٹی سے بی کام ، بی ایس سی ، بی ٹیک ،بی ای ، ایم ایس سی ، ایم ٹیک ،ایم ای ، ایم بی اے ، پی جی ڈی ایم ، ایم سی اے اور پی ایچ ڈی کامیاب ہونا چاہئے ۔اسسٹنٹ پروفیسر گریڈ 2 کی جائیدادوں کے لیے امیدوار کی عمر35 سال اسسٹنٹ پروفیسر گریڈ I کے لیے عمر 40 سال اسوسی ایٹ پروفیسر کے لیے 45 سال اور پروفیسر کے لیے 50 سال ہونا چاہئے ۔ سرکاری قواعد کے مطابق محفوظ طبقات کے لیے عمر میں گنجائش رہے گی ۔8 تا31 دسمبر تک آن لائن میں درخواستیں داخل کی جاسکتی ہیں ۔او بی سی ، ای ڈبلیو ایس امیدواروں کے لیے 2000 روپئے اور ایس سی ، ایس ٹی ، پی ڈبلیو بی ڈی امیدواروں کے لیے 1000 روپئے فیس رہے گی ۔ آن لائن میں درخواستوں کی جانچ ہوگی ۔ضرورت کے مطابق تدریسی اور ریسرچ سمینار کی بنیاد پر درخواستوں کی شارٹ لسٹ کی جائے گی ۔جن امیدواروں کو شارٹ لسٹ کیاجائے گا ان کا پرسنل انٹرویو ہوگا ۔مزید تفصیلات کے لیے nitw.ac.in ویب سائیٹ ملاحظہ کریں ۔

ہندوستھان سماچار

ہندوستان سماچار / محمدعبدالخالق