نوئیڈا، 11 دسمبر (ہ س)۔

نوئیڈا کے سیکٹر 126 سے پولیس نے ایک بدنام زمانہ مجرم کو گرفتار کیا ہے جو پوسٹ گریجویٹ اداروں میں رہنے والے طلباء کو آن لائن گانجہ فروخت کر رہا تھا۔ پولیس نے اس سے 4 کلو 538 گرام غیر قانونی چرس اور ایک موٹر سائیکل برآمد کر لی۔

سیکٹر 126 کے انچارج انسپکٹر بھوپیندر بالیان نے بتایا کہ کل رات ایک خفیہ اطلاع پر سب انسپکٹر وپن کمار نے جے پی وش ٹاو¿ن سوسائٹی کے قریب راملوچن بھروے کے بیٹے امر بھروے کو گرفتار کیا۔ انہوں نے بتایا کہ پولیس نے 4 کلو 538 گرام غیر قانونی چرس، ایک پیکنگ باکس اور آن لائن کمپنی کے نام سے بنی ٹیپ اور جرم میں استعمال ہونے والی موٹر سائیکل برآمد کی۔ انہوں نے بتایا کہ تفتیش کے دوران پولیس کو معلوم ہوا کہ ملزم مختلف پوسٹ گریجویٹ اداروں اور ہاسٹلوں میں رہنے والے طلباء کو غیر قانونی طور پر چرس سپلائی کرتا ہے۔ پوچھ گچھ کے دوران پولیس کو معلوم ہوا کہ ملزم چرس سپلائی کرنے کے لیے ایک آن لائن کمپنی کی فراہم کردہ پیکیجنگ کا استعمال کرتا ہے۔ پوچھ گچھ کے دوران ملزم نے پولیس کو بتایا کہ وہ مانگ کی بنیاد پر پولی تھین کے چھوٹے پیکٹ تیار کرتا ہے اور ای پورٹل کے ذریعے آرڈر وصول کرتا ہے۔ ملزم نے پولیس کو بتایا کہ وہ گانجے کی ادائیگی حاصل کرنے کے لیے پے ٹی ایم ،فون پے،گوگل پے کا استعمال کرتا ہے۔

ہندوستھان سماچار

ہندوستان سماچار / عطاءاللہ