چنڈی گڑھ، 9 نومبر (ہ س)۔ ٹریکر ڈاگ ببیتا، جو ہند پاک سرحد پر بارڈر سیکورٹی فورس (بی ایس ایف) کے ساتھ مارچ کرتے ہوئے شاندار خدمات انجام دے رہی ہے، کو حیدرآباد میں منعقدہ قومی سطح کی تقریب میں غیر معمولی ہمت اور ممتاز خدمات کے لیے اس سال ولبھ بھائی پٹیل آر آر یو نیشنل کے-9 ایوارڈ سے نوازا گیا ہے۔

امرتسر سیکٹر میں سرحد پر تعینات بٹالین کے ساتھ خدمات انجام دینے والی ببیتا نے ستمبر 2025 میں ایک بڑی کارروائی میں کلیدی کردار ادا کیا۔ اس کی تیز جبلت اور ذہانت نے فوجیوں کو ایک مشکوک گھر تک پہنچایا، جس کے نتیجے میں تین ہندوستانی اسمگلروں کو گرفتار کیا گیا۔ ببیتا کی مدد سے بی ایس ایف نے اسمگلروں سے ایک پستول، دو میگزین، 63 راؤنڈ اور چار موبائل فون ضبط کرلئے۔

ببیتا کی یہ مثالی کامیابی بارڈر سیکیورٹی فورس کی بے مثال بہادری، اعلیٰ سطح کی تربیت اور بہترین ٹیم ورک کی عکاسی کرتی ہے، جو ملک کی سرحدوں کی حفاظت کے لیے ہمہ وقت چوکس اور تیار رہتی ہے۔

---------------

ہندوستان سماچار / عبدالسلام صدیقی