ممبئی

، 9 نومبر(ہ س)۔

شیو سینا (یو بی ٹی) کے لیڈر آدتیہ ٹھاکرے نے

اتوار کو سوشل میڈیا پر انکشاف کیا کہ ان کے رہائشی احاطے کے قریب ایک ڈرون اڑتا

ہوا دیکھا گیا، جس نے ان کے اہل خانہ میں تشویش پیدا کر دی۔ انہوں نے دعویٰ کیا کہ

یہ ڈرون اُن کے گھر کے قریب “جھانکنے” کی کوشش کر رہا تھا، اور سوال اٹھایا کہ آخر

اس سرگرمی کے پیچھے مقصد کیا تھا۔

واقعہ

صبح کے اوقات میں پیش آیا، جس کے بعد ٹھاکرے نے پلیٹ فارم ایکس پر ایک پوسٹ کے ذریعے

کہا کہ یہ معاملہ شہری تحفظ اور پرائیویسی دونوں کے لحاظ سے سنگین نوعیت کا ہے۔

بعد ازاں، میڈیا نے اس بارے میں ایم ایم آر ڈی اے سے وضاحت طلب کی تو ادارے نے کہا

کہ ڈرون باندرہ کرلا کمپلیکس کے علاقے میں ایک معمول کے سروے کا حصہ تھا اور اس کے

لیے ممبئی پولیس سے پیشگی اجازت لی گئی تھی۔

ٹھاکرے

نے ایم ایم آر ڈی اے کے اس دعوے پر عدم اطمینان ظاہر کرتے ہوئے کہا کہ اگر سروے

باقاعدہ اجازت کے ساتھ کیا جا رہا تھا تو مقامی باشندوں کو پیشگی اطلاع کیوں نہیں

دی گئی۔ انہوں نے اس حوالے سے شہری انتظامیہ اور پولیس دونوں سے تفصیلی رپورٹ طلب

کی ہے۔

ہندوستھان

سماچار

--------------------

ہندوستان سماچار / جاوید این اے