پٹنہ، 7 نومبر (ہ س)۔ بہار اسمبلی انتخابات کے پہلے مرحلے کی ووٹنگ کے بعد سیاسی ماہرین نے اپنی کوششیں دوسرے مرحلے پر مرکوز کر دی ہیں۔ اس تناظر میں مرکزی وزیر داخلہ امت شاہ نے جمعہ کے روز جموئی میں نیشنل ڈیموکریٹک الائنس (این ڈی اے) کے امیدوار کی حمایت میں ایک عوامی ریلی سے خطاب کیا اور حمایت مانگی۔ریلی سے خطاب کرتے ہوئے امت شاہ نے کہا کہ جموئی جو کبھی لال گلیاروں کا گڑھ سمجھا جاتا تھا آج ترقی کا ایک نیا باب لکھ رہا ہے۔ یہ وہی جموئی ہے جو لال دہشت کے سائے میں تھا۔ یہ وہ سرزمین تھی جہاں نکسلیوں نے اپنا ٹھکانہ بنا رکھا تھا۔ لیکن آج وزیر اعظم نریندر مودی اور نتیش کمار کی ڈبل انجن والی حکومت نے بہار سے نکسل ازم کا مکمل خاتمہ کرکے اسے ترقی کی راہ پرلے گئے ہیں۔ امت شاہ نے کہا کہ اس سے قبل بہار کے کئی اضلاع میں خوف کا ماحول اتنا شدید تھا کہ ووٹنگ صرف 3 بجے تک ہی ہوتی تھی۔ اب ووٹنگ شام 5 بجے تک جاری رہتی ہے، کیونکہ خوف کا ماحول ختم ہو گیا ہے۔ لالو-رابڑی حکومت پر حملہ کرتے ہوئے کہا کہ ان دنوں بارات جاتی تھی ، تو لوٹ کے لئے لوگ کٹا لے کر پہنچ جاتے تھے۔ اغوا، تاوان اور قتل عام عام تھے۔ اس دور میں یہ بہار تھا۔ اسی جنگل راج نے ریاست کے کارخانے اور کاروبار بند کر دیے اور بہار کو غربت میں دھکیل دیا۔امت شاہ نے کہا کہ بہار گڈ گورننس کے ذریعے ترقی کی راہ پر آگے بڑھ رہا ہے۔ بہار کے عوام نے انتخابات کے پہلے مرحلے میں بلند آواز میں اعلان کر دیا ہے کہ جنگل راج لوٹنا چاہتا ہے، لیکن ہم ایسا نہیں ہونے دیں گے۔ جموئی کے لوگوں کو خبردار کرتے ہوئے امت شاہ نے کہا کہ اگر آپ نے معمولی سی بھی غلطی کی تو جنگل راج پھر سے لوٹ آئے گا۔وزیر داخلہ نے کہا کہ 10 سال کے اندر وزیر اعظم نریندر مودی نے بنیادی ڈھانچے کی تعمیر، سڑکیں، پل، پاور پلانٹس، چینی مل ، ایتھنول اور کھاد کے کارخانے لگا کر بہار کے کونے کونے میں ترقی کی شروعات کی ہے۔ آئندہ پانچ سال بہار کی ترقی کے لیے ہیں۔انہوں نے کہا کہ کل ووٹنگ کا پہلا مرحلہ ختم ہوا اور لالو-راہل کی پارٹی کا صفایا ہو گیا ہے۔ اب جموئی میں بھی ان کا کھاتہ نہیں کھلے گا۔ یہاں کی چاروں سیٹیں این ڈی اے کو دی جانی چاہئیں۔ جموئی میں مہا گٹھ بندھن کے امیدواروں کو ہرانا ضروری ہے۔ انہوں نے عوام سے اپیل کی کہ یہاں کی چاروں سیٹیں این ڈی اے کے کھاتے میں دیں۔ہندوستھان سماچار

ہندوستان سماچار / Mohammad Afzal Hassan