شملہ، 5 نومبر (ہ س)۔ ہماچل پردیش کے اونچائی والے علاقوں میں کل رات موسم بدل گیا۔ کنور، لاہول اسپیتی، کلّو اور چمبہ اضلاع کی اونچی چوٹیوں پر ہلکی برفباری ہوئی، جبکہ نچلے علاقوں میں ہلکی بارش ریکارڈ کی گئی۔ کل رات کنور کی اونچی چوٹیوں پر برف گری اور صبح سے ہی بادل چھائے رہے۔ وادی لاہول کے کوکسر، سیسو اور آس پاس کے علاقوں میں بھی تازہ برف باری درج کی گئی ہے ، جس کی وجہ سے ان علاقوں میں سردی کا اثر مزید بڑھ گیا ہے۔

ویسٹرن ڈسٹربنس کے فعال ہونے سے موسم میں تبدیلی کی وجہ سے روہتانگ پاس سمیت منالی کی اونچی چوٹیوں پر برف گری۔ روہتانگ پہنچنے والے سیاحوں نے برف باری کے درمیان خوب مزہ کیا۔ منالی شہر میں ہلکی سردی بڑھ گئی اور آسمان ابر آلود رہا۔ دارالحکومت شملہ میں بھی بدھ کو بادلوں کے درمیان ہلکی دھوپ کھلی۔ گزشتہ رات کئی مقامات پر تیز آندھی آئی۔ ہمیر پور اور بلاس پور کے میدانی اضلاع میں ہوا کی رفتار تقریباً 37 کلومیٹر فی گھنٹہ تک پہنچ گئی۔

محکمہ موسمیات کے مطابق لاہول اسپیتی، کنور، کلّو اور چمبہ کے بالائی علاقوں میں ہلکی برفباری اور ہمیر پور، منڈی، بلاس پور اور کانگڑا جیسے درمیانی اور زیریں علاقوں میں آج ہلکی بارش متوقع ہے۔برف باری کے بعد لاہول اسپیتی ضلع میں درجہ حرارت صفر سے نیچے چلا گیا ہے۔ منگل کی رات سے بدھ کی صبح تک، کوکمسیری میںکم سے کم درجہ حرارت -2.2 ڈگری سیلسیس، تابو میں -1.8 ڈگری سیلسیس اور کیلونگ میں -0.4 ڈگری سیلسیس ریکارڈ کیا گیا۔ دیگر علاقوں میں بھی سردی کی شدت بڑھ گئی ہے۔ کم از کم درجہ حرارت کنور کے کلپا میں 2.8 ڈگری سیلسیس، نارکنڈہ میں 5.4 ڈگری سیلسیس، منالی میں 6.9 ڈگری سیلسیس، کفری میں 6.3 ڈگری سیلسیس اور شملہ میں 8.4 ڈگری سیلسیس ریکارڈ کیا گیا۔

ریاست کے دیگر حصوں میں بھی پارہ گر گیا۔ سندر نگر میں 12.7 ڈگری سیلسیس، بھونتر میں 11.3 ڈگری سیلسیس، دھرم شالہ میں 13.8 ڈگری سیلسیس، اونا میں 15.5 ڈگری سیلسیس، ناہن میں 12.6 ڈگری سیلسیس، پالم پور میں 10 ڈگری سیلسیس، سولن میں 11 ڈگری سیلسیس منڈی میں 13.3ڈگری، کانگڑہ 13.6 ڈگری سیلسیس، جبڑہٹی 13.2 ڈگری سیلسیس، ہمیر پور 14.1 ڈگری سیلسیس، ریکانگ پیو 7 ڈگری سیلسیس، بھرمور 7.9 ڈگری سیلسیس، سراہن میں 10 ڈگری سیلسیس اور دیہرہ گوپی پور میں 12 ڈگری سیلسیس۔

منگل کی صبح بلاس پور، منڈی اور سندر نگر کے میدانی علاقوں کو گھنے دھند نے اپنی زد میں لے لیا، جس سے مرئیت متاثر ہوئی۔ محکمہ موسمیات شملہ کے مطابق آج پہاڑوں پر برف باری اور میدانی علاقوں میں بارش کا امکان ہے۔ 6 نومبر سے 11 نومبر تک ریاست بھر میں صاف موسم کی توقع ہے۔ تاہم اونچائی والے علاقوں میں کم سے کم درجہ حرارت میں کمی کی توقع ہے۔

ہندوستھان سماچار

ہندوستان سماچار / محمد شہزاد