چنڈی گڑھ، 5 نومبر (ہ س)۔ پنجاب کے وزیر اعلی بھگونت مان نے اپنے خاندان کے ساتھ بدھ کو گرو نانک دیو کے پرکاش اتسو کے موقع پر سچ کھنڈ ہریمندر صاحب میں ماتھا ٹیکا۔ وزیراعلیٰ مان نے دربار صاحب حاضری دے کر سربت کے بھلے ، پنجاب کی ترقی اور عوام کی سلامتی اور خوشیوں کی ارداس کی۔

بھگونت مان نے کہا کہ آج پوری دنیا میں گرو نانک کے لاکھوں کروڑوں نانک نام لیوا سنگت گرو نانک دیو جی کے مقدس مقامات پرماتھا ٹیک رہی ہیں اور ان کی وانی کو سن رہے ہیں۔ انہوں نے کہا کہ یہ ان کے لیے بڑی خوش قسمتی کی بات ہے کہ گرو نانک دیو جی کے پرکاش پرو کے دن سری دربار صاحب میں آکر عقیدت کے جذبے کے ساتھ متھا ٹیکنے کا موقع ملا۔

دربار صاحب میں حاضری دینے کے بعد بھگونت مان نے سوشل میڈیا پر لکھا کہ انہیں پہلے پات شاہ، جگت گرو دھن دھن صاحب سری گرو نانک دیو جی کے پرکاش پرو کے موقع پر سچکھنڈ سری دربار صاحب، سری امرتسر صاحب میں متھا ٹیکنے کا شرف حاصل ہوا۔ سری گرو گرنتھ صاحب مہاراج کے سامنے سر جھکا دیا۔گربانی کیرتن سے لطف اندوز ہوا اور نانک نام لیوا سنگتوں کے درشن کئے۔ اگرو صاحب سے پنجاب میں سماجی ہم آہنگی، بھائی چارے اور اتحاد کے لیے دعا کی۔

بھگونت مان نے کہا کہ ریاستی حکومت امرتسر میںعقیدت مندوں کے لیے سہولیات کو بہتر بنانے کے لیے کام کر رہی ہے۔ دربار صاحب تک جانے والی سڑکوں اور پارکنگ کی سہولیات کو جدید ٹیکنالوجی کے ساتھ اپ گریڈ کرنے کے منصوبے جاری ہیں۔

ہندوستھان سماچار

ہندوستان سماچار / محمد شہزاد