لاتور میں کھیت میں آرام کرتے باپ بیٹے کا بے رحمی سے قتل

لاتور، 5 نومبر(ہ س)۔ احمد

پور تعلقہ کے رودھا علاقے میں ایک دل خراش واقعے نے سنسنی پھیلا دی، جہاں باپ اور

بیٹے کو رات کے وقت ان کے کھیت میں بے دردی سے قتل کر دیا گیا۔ پولیس کے مطابق

نامعلوم افراد نے دونوں کو سوتے وقت تیز دھار ہتھیاروں سے نشانہ بنایا اور فرار ہو

گئے۔

مہلوکین

کی شناخت شیوراج نروتی سورنار، عمر 70 برس اور ان کے 20 سالہ اکلوتے بیٹے وشوناتھ

شیوراج سورنار کے طور پر ہوئی ہے۔ دونوں اپنے کھیت میں سو رہے تھے کہ اچانک حملہ

آوروں نے حملہ کر کے انہیں موت کے حوالہ کر دیا۔ قتل کی وجوہات فوری طور پر معلوم

نہیں ہو سکیں۔

پولیس

نے اطلاع ملتے ہی کارروائی کی اور مقامِ واردات پر اعلیٰ افسران سمیت ٹیمیں روانہ

کیں۔ ایڈیشنل ایس پی چوہان، ڈی وائی ایس پی اروند رائبولے، اور پی آئی ونود میٹریوار

موقع پر موجود ہیں اور شواہد اکٹھے کیے جا رہے ہیں۔ پولیس نے بتایا کہ تفتیش جاری

ہے اور ملزمان کی تلاش کے لیے ہر زاویے سے چھان بین کی جا رہی ہے۔

ہندوستھان

سماچار

--------------------

ہندوستان سماچار / جاوید این اے