کولکاتہ، 24 نومبر (ہ س)۔

بی جے پی کے رہنما اور آئی ٹی سیل کے سربراہ امیت مالویہ نے ایکس کے بارے میں ایک سنگین دعویٰ کیا ہے۔ انہوں نے کہا کہ ہندوستان کی سماجی گفتگو کو متاثر کرنے کے لیے ایک عالمی منظم سازش رچی جا رہی ہے۔ مالویہ کے مطابق ایکس کے مقام کی تفصیلات ظاہر کرنے کا نیا نظام لاگو ہونے کے بعد کئی چونکا دینے والے حقائق سامنے آئے ہیں۔

انہوں نے لکھا کہ کانگریس کے حامی ہونے کا دعویٰ کرنے والے، ہندو مخالف بیانات دینے یا ذات پات کی تقسیم پھیلانے کی کوشش کرنے والے ہینڈل کی ایک بڑی تعداد ہندوستان سے کام نہیں کر رہی ہے۔ انہوں نے دعویٰ کیا کہ ان میں سے بہت سے اکاو¿نٹس پاکستان، بنگلہ دیش، دیگر ایشیائی ممالک اور دنیا کے مختلف حصوں سے چلائے جا رہے ہیں۔

مالویہ نے یہ بھی نوٹ کیا کہ ان ہینڈلز نے اپنی شناخت چھپانے کے لیے کئی بار اپنے صارف نام تبدیل کیے ہیں، جو بذات خود شکوک و شبہات کو جنم دیتا ہے۔

مالویہ نے اس پورے واقعہ پر سوال اٹھاتے ہوئے کہا کہ اس سے پتہ چلتا ہے کہ سماجی ہم آہنگی کو متاثر کرنے، ذات پات اور نظریاتی تقسیم کو گہرا کرنے اور جعلی خبریں پھیلا کر ہندوستان کے اندرونی گفتگو کو متاثر کرنے کے لیے ایک مربوط عالمی آپریشن جاری ہے۔

ہندوستھان سماچار

ہندوستان سماچار / عطاءاللہ