تل ابیب،23نومبر(ہ س)۔اسرائیلی وزیراعظم بنجمن نیتن یاھو کے دفتر نے بتایا کہ اسرائیلی فوج نے حماس کے 5 سینئر کمانڈروں کو اس حملے کے جواب میں ہلاک کیا ہے جس کا الزام اس نے حماس پر عائد کیا ہے۔بیان میں کہا گیا کہ حماس نے آج دوبارہ سیز فائر کی خلاف ورزی کی اور اپنے ایک رکن کو اسرائیلی فوجیوں پر حملے کے لیے بھیجا۔بیان کے مطابق اسی اقدام کے جواب میں اسرائیل نے حماس کے 5 اہم رہنماوں کو ہلاک کر دیا۔اسرائیلی حکومت نے یہ بھی دعویٰ کیا کہ اسرائیل نے سیز فائر کی مکمل پابندی کی جبکہ حماس نے اس کی خلاف ورزی کی اور اپنے کارندوں کو فوجیوں پر حملے کے لیے بھیجا۔بیان میں مزید کہا گیا کہ ثالثوں کو ایک بار پھر زور دینا چاہیے کہ حماس سیزفائر اور امریکی صدر ٹرمپ کی 20 نکاتی منصوبہ بندی پر عمل کرے، تین ہلاک شدہ یرغمالیوں کی لاشیں فوری واپس کرے اور اپنے ہتھیاروں کے مکمل خاتمے کی اجازت دے تاکہ غزہ کی مکمل غیر عسکریت ممکن ہو سکے۔بیان اس واقعے کے بعد سامنے آیا جب اسرائیل نے غزہ شہر کے مغرب میں ایک گاڑی کو نشانہ بنایا جس میں 4 فلسطینی جاں بحق اور کئی زخمی ہوئے۔ ایک طبی ذریعے نے ہلاکتوں کی تصدیق کی۔حماس نے تصدیق کی کہ اس حملے میں اس کا سپلائی اور اسلحہ یونٹ کا کمانڈر علائ الحدی?دی ہلاک ہوا ہے۔حماس کے ایک رہنما نے العربیہ الحدث کو بتایا کہ حماس نے امریکہ کو اسرائیلی خلاف ورزیوں پر اپنی شکایت پہنچائی ہے اور واضح کیا کہ یہ اقدامات معاہدے کو خطرے میں ڈال رہے ہیں۔حماس کا کہنا ہے کہ اسرائیلی فوج کی سنگین اور بڑھتی ہوئی خلاف ورزیاں ثالثوں اور امریکی انتظامیہ کو ذمہ داری کا احساس دلاتی ہیں کہ وہ معاہدے کو سبوتاڑ کرنے کی کوششوں کو روکیں۔ہندوستھان سماچار

ہندوستان سماچار / Mohammad Khan