بردوان، 23 نومبر (ہ س) ۔بردوان شہر کے وارڈ نمبر 18 کے کولا گھاٹ علاقے میں زمین کے تنازعہ پر فائرنگ کا واقعہ پیش آیا۔ واقعہ کی اطلاع ملتے ہی پولیس کی بھاری نفری جائے وقوعہ پر پہنچی اور حالات کو قابو میں کیا۔پولیس اور مقامی ذرائع کے مطابق مقامی تاجر سبیر منڈل کا اپنے گھر کے قریب زمین کے ایک ٹکڑے کو لے کر پڑوسیوں کے ساتھ دیرینہ تنازع چل رہا تھا۔ ہفتہ کی رات اچانک تنازعہ بڑھ گیا۔ اطلاعات کے مطابق سبیر منڈل کا اپنے پڑوسیوں کے ساتھ شروع میں گرما گرم بحث ہوئی جس کے بعد اس نے مبینہ طور پر اپنی لائسنسی بندوق سے فائر کر دیا۔ تاہم گولیاں ہوا میں چلائی گئیں اور کسی کو نہیں لگیں۔سبیر منڈل کے اہل خانہ کا الزام ہے کہ مقامی لوگوں نے کافی دیر تک ان کے گھر کا گھیراو¿ کیا۔ اہل خانہ نے پولیس کو اطلاع دی لیکن ان کے پہنچنے سے پہلے ہی ہجوم گیٹ توڑ کر گھر میں داخل ہوگیا۔ ان کے مطابق، سبیر نے ہجوم کو روکنے کے لیے اپنے دفاع میں ہوا میں گولی چلائی۔

دریں اثنا، مقامی لوگوں کا کہنا ہے کہ وہ ایک میٹنگ کر رہے تھے کہ اچانک سبیر منڈل کے گھر سے گولی چلنے کی آواز آئی۔ جس سے علاقے میں خوف و ہراس پھیل گیا۔ اطلاع ملتے ہی پولیس کی بھاری نفری جائے وقوعہ پر پہنچ گئی۔ پولیس نے حالات کو قابو میں کرتے ہوئے علاقے کو گھیرے میں لے کر تفتیش شروع کر دی۔ اس وقت کسی گرفتاری یا حراست کی کوئی اطلاع نہیں ہے۔ پولیس واقعے کی ہر پہلو سے تفتیش کر رہی ہے۔

ہندوستھان سماچار

ہندوستان سماچار / Mohammad Khan