حیدرآباد ، 22 نومبر (ہ س)۔صدرجمہوریہ دروپدی مرمو کاہفتہ کو دو روزہ حیدرآباد دورہ اختتام کو پہنچا۔وہ اے پی کے پٹاپرتی کیلئے روانہ ہوگئیں۔ بیگم پیٹ ایرپورٹ پرتلنگانہ کے گورنر جشنودیوورما، وزیراعلی ریونت ریڈی، مئیرحیدرآباد وجئے لکشمی،وزیرپونم پربھاکر اوردیگر معززین نے ان کو گرمجوشی سے وداع کیا۔ اپنے قیام کے دوران، صدر جمہوریہ مرمو نے بھارتیہ کلامہتسوم کے دوسرے ایڈیشن کا افتتاح کیا،جس میں گجرات،مہاراشٹرا، راجستھان،گوا، دادراوناگرحویلی اور دمن ودیو کی مالامال ثقافتی تہذیب اور فنونِ لطیفہ کی روایات پیش کی گئیں۔ راج بھون میں قیام کے بعد صدر مرمو ہفتہ کی صبح پٹاپرتی روانہ ہوئیں، جہاں وہ سری ستیہ سائی بابا کی صدسالہ تقاریب کے موقع پر منعقد ہونے والے خصوصی اجلاس میں شرکت کریں گی۔

ہندوستھان سماچار

ہندوستان سماچار / محمدعبدالخالق