میدنی پور (مغربی بنگال)، 21 نومبر (ہ س)۔ اڈیشہ پولیس نے پوربا میدنی پور ضلع کے پنسکورا کے رادھابلبھچک علاقے کے کئی باشندوں کو بنگلہ دیشی شہری ہونے کے شبہ میں حراست میں لیا ہے۔ یہ سبھی اڈیشہ کے بھدرک علاقے میں روزگار کے مقصد سے کام کر رہے تھے۔

ذرائع کے مطابق، یہ کارکن جمعرات کی شام کو ایس آئی آر کے عمل کے دوران بنگالی میں بات کر رہے تھے، جب اڈیشہ پولیس نے انہیں غیر ملکی شہری سمجھ کر حراست میں لے لیا۔ کچھ برسوں سے ہاکر کے طور پر کام کر رہے تھے، جب کہ کچھ کاروباری مقاصد کے لیے اڈیشہ میں رہ رہے تھے۔ مقامی شناخت ہونے کے باوجود انہیں شک کی بنیاد پر روکا گیا۔ تب سے ان کے اہل خانہ انتہائی پریشان ہیں۔

پوربا میدنی پور کے ڈسٹرکٹ مجسٹریٹ یونس رشین اسماعیل نے کہا کہ ہم معاملے کی تحقیقات کر رہے ہیں، اگر یہ ثابت ہو گیا کہ وہ ہمارے ضلع کے رہائشی ہیں تو ضروری مدد فراہم کی جائے گی۔ زیر حراست کارکنوں نے ویڈیو پیغام کے ذریعے مغربی بنگال کے وزیر اعلیٰ سے اپیل کی ہے کہ انہیں تھانے سے آزاد کرانے اور انہیں بحفاظت گھر واپس لانے میں مدد کی جائے۔ اس واقعہ سے پنسکورہ علاقہ میں افراتفری، غصہ اور تشویش کا ماحول ہے۔

---------------

ہندوستان سماچار / عبدالسلام صدیقی