سرینگر، 20 نومبر(ہ س )۔ریجنل ٹرانسپورٹ آفس (آر ٹی او) کشمیر نے ایک نوٹیفکیشن جاری کیا ہے جس میں سری نگر شہر کے دو بڑے حصوں کو نو ای رکشہ زون قرار دیا گیا ہے تاکہ ٹریفک کی ہموار نقل و حرکت کو یقینی بنایا جا سکے۔ ریجنل ٹرانسپورٹ آفیسر قاضی عرفاق (جے کے اے ایس) کے جاری کردہ نوٹیفکیشن کے مطابق، یہ فیصلہ ریجنل ٹرانسپورٹ اتھارٹی (آر ٹی اے) کے 13 نومبر 2025 کو ہونے والے اجلاس کے بعد کیا گیا۔ تفصیلات کے مطابق محدود راستوں میں مولانا آزاد روڈ - جہانگیر چوک سے جے اینڈ کے بینک ہیڈ کوارٹر اور ریذیڈنسی روڈ - ہری سنگھ ہائی اسٹریٹ سے جے اینڈ کے بینک ہیڈ کوارٹر تک شامل ہیں۔ یہ حکم فوری طور پر نافذ العمل ہو گیا ہے اور آئندہ ہدایات تک نافذ العمل رہے گا۔ آر ٹی او نے خبردار کیا ہے کہ اس ہدایت کی کسی بھی خلاف ورزی پر موٹر وہیکل ایکٹ 1988 اور اس کے تحت بنائے گئے قوانین کے تحت کارروائی کی جائے گی۔ہندوستھان سماچار

ہندوستان سماچار / Aftab Ahmad Mir