حیدرآباد ، 22 نومبر (ہ س)۔ تلنگانہ کے متحدہ عادل آباد ضلع میں درجہ حرارت میں نمایاں کمی آئی ہے۔آصف آباد ضلع کے سرپور (یو) میں اقل ترین درجہ حرارت 8.7 ڈگری ریکارڈ کیا گیا، دیہاتی سردی اور کہر کی وجہ سے مشکلات کا سامناکر رہے ہیں۔سردی کی لہر کے سبب ضلع عادل آبادمیں صبح کے وقت کئی مقاما ت پر کہرا دیکھا جارہا ہے جس سے گاڑی سواروں کو شدیدمشکلات کاسامناکرناپڑرہا ہے۔گاڑی سوارہیڈ لائٹس کھول کر گاڑی چلانے پرمجبور ہیں۔دوسری طرف صبح کے وقت چہل قدمی کرنے والے بھی تاخیر سے میدانوں اور پارکس کا رخ کررہے ہیں۔ضلع میں زرعی سرگرمیوں کیلئے کھیتوں کو جانے والے بھی متاثرہیں۔

ہندوستھان سماچار

ہندوستان سماچار / محمدعبدالخالق