قومی کانفرنس میں اے آئی پر مبنی کینسر پروگنوسٹکس پر اپنا تحقیقی مقالہ پیش کیا

علی گڑھ، 20 نومبر (ہ س)۔ علی گڑھ مسلم یونیورسٹی کے شعبہ اورل پیتھالوجی اینڈ مائیکروبایولوجی کی فیکلٹی ممبر ڈاکٹر شہلا خان نے غازی آباد کے آئی ٹی ایس سینٹر فار ڈینٹل اسٹڈیز اینڈ ریسرچ میں منعقدہ انڈین ایسوسی ایشن آف اورل اینڈ میکسیلوفیشیئل پیتھالوجسٹس کی قومی کانفرنس میں شرکت کی اور اپنا ایک سائنسی مقالہ بعنوان ”اورل اسکوامس سیل کارسینوما کے تھیریپی رسپانس میں مصنوعی ذہانت کا کردار“ پیش کیا۔ اپنی پیشکش میں انہوں نے بتایا کہ مصنوعی ذہانت کے ماڈلز تشخیص، علاج کی منصوبہ بندی اور تھیریپی کے ردعمل کی پیش گوئی کو بہتر بنانے کی زبردست صلاحیت رکھتے ہیں۔

انہوں نے واضح کیا کہ اے آئی پر مبنی ٹولز نہ صرف بہتر کلینکل نتائج میں مدد دیتے ہیں بلکہ کیموتھیریپی کے مضر اثرات اور ریڈی ایشن ایکسپوژر کو بھی کم کر سکتے ہیں۔ ڈاکٹر خان نے کانفرنس کے پہلے دن ایک ورکشاپ میں بھی شرکت کی، جس میں آنکولوجیکل ڈائیگنوسٹکس کے لیے ابھرتے ہوئے ڈیجیٹل ٹولز پر توجہ مرکوز کی گئی۔

ہندوستھان سماچار

---------------

ہندوستان سماچار / سید کامران علی گڑھ