رائے

گڑھ ، 20 نومبر(ہ س)۔

مہاراشٹر کے رائے گڑھ ضلع میں پونے - منگاؤں

ہائی وے کے تمہنی گھاٹ پر ایک جیپ 500 فٹ گہری کھائی میں گرنے سے چار افراد ہلاک

اور دو لاپتہ ہو گئے۔ حادثہ اتنا شدید تھا کہ جیپ مکمل طور پر تباہ ہو گئی۔ منگاؤں

پولیس اور مقامی رضاکار مسلسل ریسکیو مشن میں مصروف ہیں۔

منگاؤں

پولیس اسٹیشن کے انسپکٹر نروتی بوراڈے کے مطابق حادثے کی اصل وجہ سامنے نہیں آ سکی

ہے، تاہم جمعرات کو انہوں نے بتایا کہ ابتدائی طور پر یہی اندازہ لگایا جا رہا ہے

کہ ڈرائیور نے گاڑی پر سے کنٹرول کھو دیا، جس کے باعث گاڑی کھائی میں جا گری۔

انہوں نے کہا کہ ڈرون کیمروں کے ذریعے پہاڑی علاقے کی کڑی نگرانی کی جا رہی ہے اور

اب تک چار لاشیں برآمد ہوئی ہیں، جنہیں باہر نکالنے کا عمل جاری ہے۔ پولیس یہ بھی

جانچ رہی ہے کہ گاڑی میں مزید افراد سوار تھے یا نہیں۔

مقامی

ذرائع کے مطابق کچھ سیاح، جنہوں نے منگل کو کونکن کا سفر کیا تھا، بدھ تک رابطے میں

نہیں آ سکے۔ بدھ کو انہوں نے منگاؤں پولیس اسٹیشن کو حادثے کی اطلاع دی، جس کے بعد

پولیس نے اسی روز سرچ آپریشن شروع کیا لیکن اندھیرا ہو جانے پر کارروائی روک دی گئی۔

جمعرات کی صبح جب تلاش دوبارہ شروع ہوئی تو پولیس کو ایک تباہ شدہ جیپ اور چار

افراد کی لاشیں ملیں۔ کھائی سے ملبہ ہٹانے اور باقیات نکالنے کا کام تیز رفتاری سے

جاری ہے، جبکہ لاپتہ افراد کی تلاش میں ڈرونز کا استعمال بھی کیا جا رہا ہے۔ مرنے

والوں کی شناخت ابھی تک نہیں ہو پائی ہے۔

ہندوستھان

سماچار

--------------------

ہندوستان سماچار / جاوید این اے