حیدرآباد ، 20 نومبر (ہ س)۔ میلاردیوپلی پولیس اسٹیشن کے حدود میں واقع شاستری پورم کنگس کالونی میں آج حیڈراحکام نے ایک اور اہم کارروائی انجام دیتے ہوئے بم رکن الدولہ لیک کے ایف ٹی ایل اور بفرزون میں قائم غیر قانونی تعمیرات کو منہدم کردیا۔ حیڈرا کی ٹیم نے متعدد غیر مجاز ڈھانچوں کوموقع پر ہی گرادیا،جس سے علاقے میں کافی ہلچل دیکھی گئی۔کارروائی کے دوران تجاوزات کرنے والوں اور حائیڈرا عہدیداروں کے درمیان سخت بحث و تکرار بھی ہوئی۔ تاہم، کسی بھی ناخوشگوار واقعے سے بچنے کے لیے پولیس کی بھاری نفری تعینات کی گئی، جس کی وجہ سے آپریشن بغیر کسی رکاوٹ کے جاری رہا۔قابلِ ذکر بات یہ ہے کہ اسی بم رکن الدولہ لیک کے اطراف اس سے قبل بھی غیر قانونی تعمیرات کے خلاف کئی بارانہدامی کارروائیاں کی جاچکی ہیں۔ حکام کے مطابق،اس علاقے میں بار بار قبضہ جات کی کوشش کی جاتی ہے، جس کے باعث حیڈرا اور ریونیو محکمہ کو مسلسل نگرانی کرنی پڑرہی ہے۔حیڈراحکام نے واضح کیاکہ جھیلوں اور واٹر باڈیز کے تحفظ کے لیے بفرزون میں کسی بھی قسم کی غیر قانونی تعمیر ہرگز برداشت نہیں کی جائے گی۔ ان کاکہناہے کہ شہرکے آبی ذخائر کو بچانے کے لیے ایسی کارروائیاں مستقبل میں بھی سختی کے ساتھ جاری رہیں گی۔
ہندوستھان سماچار
ہندوستان سماچار / محمدعبدالخالق
