نئی دہلی، 18 نومبر (ہ س)۔ گھریلو شیئر بازار میں آج ابتدائی کاروبار کے دوران کمزوری کا رجحان برقرار ہے۔ آج کے کاروبار کی شروعات معمولی سبقت کے ساتھ ہوئی تھی۔ بازار کھلنے کے بعد فروخت شروع ہو گئی، جس کی وجہ سے سینسیکس اور نفٹی دونوں انڈیکس گر کر سرخ نشان میں پہنچ گئے۔ پہلے 1 گھنٹے کا کاروبار ہونے کے بعد سینسیکس 0.40 فیصد اور نفٹی 0.46 فیصد کی کمزوری کے ساتھ کاروبار کر رہے تھے۔
ابتدائی 1 گھنٹے کا کاروبار ہونے کے بعد شیئر مارکیٹ کے بڑے شیئروں میں سے میکس ہیلتھ کیئر، ایکسس بینک، او این جی سی، ایشین پینٹس اور شری رام فائنینس کے شیئرز 1.05 فیصد سے لے کر 0.11 فیصد کی مضبوطی کے ساتھ کاروبار کر رہے تھے۔ دوسری طرف، ہنڈالکو انڈسٹریز، ٹاٹا اسٹیل، جیو فائنینشل، ٹیک مہندر اور ٹاٹا کنزیومر پروڈکٹس کے شیئرز 1.78 فیصد سے لے کر 1.41 فیصد کی گراوٹ کے ساتھ کاروبار کرتے نظر آ رہے تھے۔
ابھی تک کے کاروبار میں شیئر مارکیٹ میں 2,051 شیئرز میں ایکٹیو ٹریڈنگ ہو رہی تھی۔ ان میں سے 696 شیئر منافع کما کر سبز نشان میں، جبکہ 1,355 شیئر نقصان اٹھا کر سرخ نشان میں کاروبار کر رہے تھے۔ اسی طرح سینسیکس میں شامل 30 شیئروں میں سے 6 شیئر خریداری کی حمایت سے سبز نشان میں برقرار تھے۔ دوسری جانب 24 شیئر فروخت کے دباو میں سرخ نشان میں کاروبار کر رہے تھے۔ جبکہ نفٹی میں شامل 50 شیئروں میں سے 7 شیئر سبز نشان میں اور 43 شیئر سرخ نشان میں کاروبار کرتے نظر آ رہے تھے۔
بی ایس ای کا سینسیکس آج 91.42 اَنک کی مضبوطی کے ساتھ 85,042.37 پوائنٹس کی سطح پر کھلا۔ کاروبار کی شروعات ہوتے ہی بازار میں فروخت کا دباو بن گیا، جس کے باعث اس انڈیکس نے تھوڑی ہی دیر میں سرخ نشان میں غوطہ لگا دیا۔ لگاتار جاری فروخت کی وجہ سے یہ انڈیکس 84,564.01 پوائنٹس تک گر گیا۔ بازار میں مسلسل جاری خرید و فروخت کے درمیان پہلے 1 گھنٹے کا کاروبار ہونے کے بعد صبح 10.15 بجے سینسیکس 341.17 پوائنتس کی کمزوری کے ساتھ 84,609.78 پوائنٹس کی سطح پر کاروبار کر رہا تھا۔
سینسیکس کی طرح این ایس ای کے نفٹی نے آج 8.35 پوائنٹ کی سبقت کے ساتھ 26,021.80 پوائنٹ کی سطح سے کاروبار کی شروعات کی۔ بازار کھلنے کے کچھ ہی دیر بعد فروخت کے دباو کی وجہ سے یہ انڈیکس بھی اپنی سبقت گنوا کر سرخ نشان میں پہنچ گیا۔ بازار میں مسلسل جاری خرید و فروخت کے درمیان ابتدائی 1 گھنٹے کا کاروبار ہونے کے بعد صبح 10.15 بجے نفٹی 118.85 پوائنٹ گر کر 25,894.60 پوائنٹ کی سطح پر کاروبار کر رہا تھا۔
ہندوستھان سماچار
---------------
ہندوستان سماچار / انظر حسن
