نئی دہلی، 17 نومبر (ہ س)۔ گتی شکتی یونیورسٹی (جی ایس وی) اور ڈیفنس ریسرچ اینڈ ڈیولپمنٹ آرگنائزیشن (ڈی آر ڈی او) کے درمیان پیر کو یہاں ایک تاریخی مفاہمت کی یادداشت پر دستخط ہوئے۔ ڈاکٹر سمیر وی کامتھ، چیئرمین، ڈی آر ڈی او اور سکریٹری، دفاعی تحقیق اور ترقی کے محکمے، اس موقع پر موجود تھے۔ اس معاہدے کو دونوں اداروں کے درمیان قومی سلامتی کے لیے اسمارٹ تکنیکی حل تیار کرنے کی جانب ایک بڑا قدم سمجھا جارہا ہے۔
ڈاکٹر کامت نے کہا کہ یہ تعاون دیسی دفاعی نظاموں کی تعیناتی کے مختلف پہلوؤں کے لیے تکنیکی حل تیار کرنے میں مدد کرے گا۔ معاہدے میں لاجسٹکس مینجمنٹ، اسٹریٹجک، آپریشنل اور ٹیکٹیکل سطحوں پر آپریشنل لاجسٹکس اسٹڈیز، تصوراتی تجزیہ، اور لاجسٹکس پلانز کی توثیق پر مشترکہ تحقیق شامل ہوگی۔ تحقیق میں چپ ڈیزائن، ہارڈویئر سیکیورٹی، اور ہومومورفک/بلاک چین پر مبنی انکرپشن ٹیکنالوجیز بھی شامل ہیں۔
معاہدے کا بنیادی مقصد فوجی سائنس، آپریشنل حکمت عملی، لاجسٹکس مینجمنٹ اور تکنیکی تحقیق کے شعبوں میں محققین اور سائنسدانوں کی صلاحیت کو بڑھانا ہے۔ دونوں ادارے مشترکہ تحقیق، ورکشاپس، سیمینارز، کانفرنسز اور استعداد کار بڑھانے کے پروگرام منعقد کریں گے۔ اس معاہدے پر گتی شکتی یونیورسٹی کے وائس چانسلر پروفیسر منوج چودھری اور ڈی آر ڈی او کے ڈی ایس اینڈ ڈی جی (ٹی ایم) ڈاکٹر لال چند منگل نے دستخط کئے۔
گتی شکتی یونیورسٹی پہلے ہی ہندوستانی فوج، ہندوستانی فضائیہ اور ہندوستانی بحریہ کے ساتھ لاجسٹک اور سپلائی چین ریسرچ اور تعلیم میں تعاون کر رہی ہے۔ ڈی آر ڈی او کے ساتھ یہ معاہدہ یونیورسٹی کی تحقیقی صلاحیتوں اور دفاعی شعبے میں اس کے تعاون کو مزید تقویت دے گا۔
---------------
ہندوستان سماچار / عبدالسلام صدیقی
