نئی دہلی، 17 نومبر (ہ س)۔ قومی تحقیقاتی ایجنسی (این آئی اے) نے دہلی میں لال قلعہ کے قریب دھماکے کے سلسلے میں دہشت گرد ڈاکٹر عمر ان نبی کے ایک اور قریبی ساتھی جاسر بلال وانی عرف دانش کو جموں و کشمیر کے سری نگر سے گرفتار کیا ہے۔ این آئی اے کے مطابق دانش اننت ناگ ضلع کے قاضی گنڈ کا رہنے والا ہے۔ تحقیقات سے معلوم ہوا کہ دانش ڈرونز کو تبدیل کرنے اور دہشت گردانہ حملوں میں استعمال کرنے کی کوشش میں ملوث تھا۔ وہ حملے میں ایک سرگرم ساتھی تھا اور ڈاکٹر عمر نبی کے ساتھ مل کر کار بم دھماکوں کی منصوبہ بندی کی۔ این آئی اے سازش کی تمام کڑیوں کو جوڑنے کا کام کر رہی ہے۔ کئی ریاستوں میں تلاشی مہم جاری ہے۔ این آئی اے کی ٹیمیں اس میں ملوث ہر فرد تک پہنچنے کے لیے مسلسل تلاش کر رہی ہیں۔ پیر کو دھماکے میں زخمی ایک شخص زخموں کی تاب نہ لاتے ہوئے چل بسا جس کے بعد مرنے والوں کی تعداد 14 ہو گئی ہے۔ قابل ذکر ہے کہ ڈاکٹر عمر نبی اس کار کو چلا رہے تھے جو 10 نومبر کو لال قلعہ کے قریب دھماکہ ہوا تھا۔ جائے وقوعہ پر ان کے جسم کے اعضاءبکھرے ہوئے پائے گئے تھے۔ ڈی این اے ٹیسٹنگ کے ذریعے اس کی شناخت ہوئی جس کے بعد حکام نے جموں و کشمیر کے پلوامہ میں واقع اس کے گھر کو مسمار کر دیا۔

ہندوستھان سماچار

ہندوستان سماچار / Mohammad Khan