شملہ، 15 نومبر (ہ س)۔ ہماچل پردیش میں ہر روز سردی کی شدت بڑھ رہی ہے۔ قبائلی علاقوں میں کم سے کم درجہ حرارت مائنس میں برقرار ہے اور کئی مقامات پر پانی کے قدرتی ذرائع منجمد ہونا شروع ہو گئے ہیں۔ جمعہ کی رات سے ہفتہ کی صبح تک کے درجہ حرارت کے ریکارڈ کے مطابق، لاہول اسپیتی ضلع کے تابو میں کم سے کم درجہ حرارت -6.6 ڈگری، کوکمسیری میں -4.1 ڈگری اور کیلونگ میں -2.9 ڈگری درج کیا گیا۔ قبائلی علاقوں میں درجہ حرارت میں مسلسل کمی کے باعث شدید سردی سے معمولات زندگی متاثر ہو رہے ہیں۔

راجدھانی شملہ کا کم سے کم درجہ حرارت 9.0 ڈگری درج ہوا، لیکن اس بار میدانی اضلاع میں شملہ سے بھی زیادہ سردی محسوس کی جا رہی ہے ۔ اونا میں 8.3 ڈگری، بلاس پور میں 8.6 ڈگری اور ہمیر پور میں 5.8 ڈگری سیلسیس درجہ حرارت درج کیا گیا، جو شملہ کے مقابلے کم ہے۔ جبکہ سندر نگر میں4.1 ڈگری اور بھونتر 3.1 ڈگری سیلسیس رہا۔ سراہن میں درجہ حرارت 7.9 ڈگری، کسولی میں 11.4 ڈگری اور پاونٹا صاحب میں 12.0 ڈگری رہا۔ ناہن میں کم سے کم درجہ حرارت 8.4 ڈگری اور نارکنڈہ میں 4.8 ڈگری ریکارڈ کیا گیا۔

ہل اسٹیشن منالی میں بھی سردی مسلسل بڑھ رہی ہے اور ہفتہ کی صبح یہاں کم سے کم درجہ حرارت 2.7 ڈگری سیلسیس ریکارڈ کیا گیا۔ دھرم شالہ 9.8 ڈگری، کانگڑا 5.8 ڈگری اور منڈی 5.7 ڈگری پر تھا۔ کفری میں درجہ حرارت 7.5 ڈگری، جبڑہٹی میں 9.2 ڈگری اور باجوارہ میں 5.0 ڈگری سیلسیس ریکارڈ کیا گیا۔ کنور ضلع میں درجہ حرارت ریکانگ پیو 3.2 ڈگری اور پالم پور 4.5 ڈگری سیلسیس رہا۔ سولن میں 3.0 ڈگری درجہ حرارت ریکارڈ کیا گیا جبکہ بھرمور میں 7.1 ڈگری سیلسیس درج کیا گیا۔

لاہول اسپیتی ضلع کے بیشتر علاقوں میں پانی کے ذرائع منجمد ہو رہے ہیں جس سے لوگوں کے روزمرہ کے معمولات متاثر ہو رہے ہیں۔ صبح اور شام میں برفیلی ہوائیں چل رہی ہیںجبکہ دھوپ نکلنے پر بھی سردی کی شدت میں کمی نہیں ہو رہی ہے ۔ ادھر عام اور میدانی علاقوں میں گزشتہ چند روز سے سردی کی شدت میں نمایاں اضافہ ہوا ہے۔ لوگوں نے صبح و شام بھاری اونی لباس پہننا شروع کر دیا ہے۔

محکمہ موسمیات کے مطابق ہماچل میں گزشتہ 24 گھنٹوں میں کہیں بھی بارش یا برفباری نہیں ہوئی اور نہ ہی آئندہ چند دنوں میں اس کا کوئی امکان ہے۔ محکمہ نے 21 نومبر تک پوری ریاست میں خشک موسم کی پیش گوئی جاری کی ہے۔ درجہ حرارت معمول سے اوسطاً 2 ڈگری کم ہے۔ جس کے باعث سردی مزید بڑھنے کا امکان ہے۔ سردی میں اضافے کے باعث ڈرائیوروں کو صبح کے وقت کا سامنا کرنا پڑ سکتا ہے۔ دھند کی وجہ سے آج صبح بلاس پور میں حد نگاہ 200 میٹر تھی۔

ہندوستھان سماچار

ہندوستان سماچار / محمد شہزاد