دہرادون، 15 نومبر (ہ س) ۔وزیر اعلیٰ پشکر سنگھ دھامی نے ہفتہ کو موہانی روڈ پر واقع دون انٹرنیشنل اسکول میں منعقدہ دہرادون لٹریچر فیسٹیول میں شرکت کی۔ تقریب کے دوران انہوں نے وینو اگرہارا ڈھینگرا کی لکھی ہوئی کتاب’لیڈنگ لیڈیز آف انڈیا‘ کا اجرا کیا۔

تقریب سے خطاب کرتے ہوئے وزیر اعلیٰ نے کہا کہ ادب جذبات، خیالات اور تجربات کے اظہار کا ایک طاقتور ذریعہ ہے۔ ادب سماجی اور ثقافتی بیداری میں بھی اہم کردار ادا کرتا ہے۔ وزیر اعلیٰ نے امید ظاہر کی کہ کتاب ’لیڈنگ لیڈیز آف انڈیا‘ قارئین بالخصوص خواتین کو آگے بڑھنے کی ترغیب دے گی۔

وزیر اعلیٰ دھامی نے کہا کہ وزیر اعظم نریندر مودی کی رہنمائی میں ریاستی حکومت خواتین کو بااختیار بنانے کے لیے مسلسل کوششیں کر رہی ہے۔ ریاست میں خواتین کے سیلف ہیلپ گروپس کے ذریعہ تیار کردہ مصنوعات کی مانگ میں مسلسل اضافہ ہورہا ہے۔ ریاستی حکومت خواتین کو بااختیار بنانے کے لیے متعدد اسکیمیں نافذ کررہی ہے۔ خواتین کو بااختیار بنانا معاشرے کی مجموعی ترقی کے لیے ضروری ہے۔ آج خواتین ہر شعبے میں قابل ستائش کام کر رہی ہیں۔ انہوں نے کہا کہ اتراکھنڈ کی روح اس کی ثقافت میں رہتی ہے۔ حکومت اپنی ثقافت اور روایات کے تحفظ کے لیے مسلسل کام کر رہی ہے۔انہوں نے کہا کہ گزشتہ دو سالوں سے ریاست میں اتراکھنڈ پرواسی سمیلن کا انعقاد کیا جا رہا ہے۔ اس کا بنیادی مقصد لوگوں کو ان کی جڑوں سے جڑے رکھنا ہے۔ جب سے پرواسی سمیلن منعقد ہوا، بہت سے مہاجرین نے اپنے آبائی گاو¿ں کے ساتھ ساتھ ریاست کی ترقی میں اپنا حصہ ڈالنے کی خواہش ظاہر کی ہے۔

ہندوستھان سماچار

ہندوستان سماچار / Mohammad Khan