گابورون، 13 نومبر (ہ س) ۔

ہندوستان اور بوتسوانا کے درمیان جنگلی حیات کے تحفظ کے تعاون کا ایک نیا باب کھولتے ہوئے، بوتسوانا نے پروجیکٹ چیتا کے اگلے مرحلے کے لیے ہندوستان کو آٹھ چیتا تحفے میں دیے ہیں۔ صدر دروپدی مرمو اور بوتسوانا کے صدر ڈوما گیڈون بوکو نے جمعرات کو موکولوڈی نیچر ریزرو میں منعقدہ ایک خصوصی تقریب میں ان چیتاوں کو علامتی طور پر چھوڑے جانے کا مشاہدہ کیا۔ چیتا بوتسوانا کے غانزی علاقے سے لائے گئے تھے اور انہیں ہندوستان اور بوتسوانا کے ماہرین نے قرنطینہ کی سہولت میں چھوڑ دیا تھا۔

صدرجمہوریہ مرمو کے دورے کو ہندوستان اور بوتسوانا کے درمیان جنگلی حیات کے تحفظ میں تعاون بڑھانے کی سمت میں ایک اہم قدم سمجھا جاتا ہے۔

اس دورے کے بعد صدر مرمو نے بوتسوانا کے نائب صدرندابا نکوسیناتھی گواولاتھے اور وزیر خارجہ ڈاکٹر ڈاکٹر فینیو بوٹالے سے الگ الگ ملاقات کی ۔

ہندوستان واپسی سے پہلے صدر جمہوریہ مرمو نے گابرون میں ہندوستانی ہائی کمیشن کی طرف سے منعقدہ استقبالیہ میں ہندوستانی برادری سے خطاب کیا۔ جل شکتی اور ریلوے کے وزیر مملکت وی سومن، ممبران پارلیمنٹ پربھو بھائی وساوا اور ڈی کے ارونا بھی موجود رہے۔

ہندوستھان سماچار

ہندوستان سماچار / عطاءاللہ