نئی دہلی، 10 نومبر (ہ س): مرکزی حکومت ٹیلی کام پنشنرز کی سہولت کے لیے دہلی-این سی آر میں 11 نومبر سے 24 نومبر تک لائف سرٹیفکیٹ کیمپس کا انعقاد کرے گی۔ ان کیمپوں کا انعقاد پرنسپل کنٹرولر آف کمیونیکیشن اکاؤنٹس، محکمہ ٹیلی کمیونیکیشن کے ذریعے کیا جا رہا ہے۔ اس اقدام سے پنشنرز کو ایک ہی جگہ پر لائف سرٹیفکیٹ سے متعلق تمام خدمات تک رسائی حاصل ہوگی۔ مرکزی وزارت مواصلات کے مطابق، یہ کیمپ دہلی کے مختلف ایم ٹی این ایل اور بی ایس این ایل آفس کمپلیکس میں منعقد کیے جا رہے ہیں، جن میں کمیونیکیشن اکاؤنٹس بلڈنگ، پرساد نگر، اور ایسٹرن کورٹ، جن پتھ شامل ہیں۔ پنشنرز لائف سرٹیفکیٹ کی تصدیق اور دیگر خدمات حاصل کرنے کے لیے اپنے قریبی لائف سرٹیفکیٹ سنٹر پر جا سکتے ہیں۔ یہ کیمپ دوارکا، روہنی، دہلی کینٹ، جنک پوری، حوض خاص، راجوری گارڈن، اور نجف گڑھ (دہلی) کے ساتھ ساتھ گروگرام، نوئیڈا اور غازی آباد میں بی ایس این ایل کے دفاتر میں منعقد کیے جائیں گے۔ یہ کیمپ پنشنرز کو ڈیجیٹل لائف سرٹیفکیٹ جمع کرانے کی تربیت، جیون پرمان چہرے کی تصدیق ایپ کے استعمال کے بارے میں معلومات، کے وائی پی فارم جمع کرنے کی سہولت (ایک تصویر اور آدھار کارڈ کی ایک کاپی درکار ہے)، اور شکایات یا سوالات درج کرنے کی سہولت فراہم کرے گا۔

---------------

ہندوستان سماچار / عبدالسلام صدیقی