گوتم بدھ نگر، 8 اکتوبر (ہ س)۔ یوپی انٹرنیشنل ٹریڈ شو 2025 کے بعد، اتر پردیش حکومت نے 9 سے 18 اکتوبر کے درمیان تمام اضلاع میں سودیشی میلے منعقد کرنے کا حکم جاری کیا ہے۔ گوتم بدھ نگر ضلع میلہ نوئیڈا ہاٹ میں منعقد ہوگا۔ دس روزہ میلے میں داخلہ صبح 11 بجے سے رات 8 بجے تک کھلا رہے گا، جو زائرین کو دیسی اشیا خریدنے کا موقع فراہم کرے گا ۔اس سے لوگ تہوار کے موسم میں سودیشی اشیا کی خریداری کر سکیں گے۔

ضلع انتظامیہ کے عہدیداروں نے بتایا کہ یہ میلہ یوپی انٹرنیشنل ٹریڈ شو کا حصہ ہوگا۔ انتظامیہ نے تقریب کی تیاریاں شروع کر دی ہیں۔ یوپی انٹرنیشنل ٹریڈ شو کا تیسرا ایڈیشن 25 اور 29 ستمبر کے درمیان گریٹر نوئیڈا کے انڈیا ایکسپو سینٹر اور مارٹ میں کامیابی کے ساتھ منعقد ہوا تھا۔ اس کی کامیابی پر،ایم ایس ایم ای کے وزیر راکیش سچن نے ریاست کے تمام اضلاع میں 10 روزہ سودیشی میلے کے انعقاد کا اعلان کیا تھا۔ تمام میلوں کا انعقاد یوپی انٹرنیشنل ٹریڈ شو کے تحت کیا جائے گا۔ اس کے لیے احکامات جاری کر دیے گئے ہیں۔ لوگوں کو صبح 11 بجے سے رات 8 بجے تک مفت داخلہ دیا جائے گا۔

ڈسٹرکٹ انڈسٹریز اینڈ انٹرپرائز پروموشن سینٹر کے ڈپٹی کمشنر انل کمار نے بتایا کہ یہ میلہ دیسی مصنوعات کی تیاری، فروخت اور نمائش کو فروغ دے گا۔ انہوں نے لوگوں پر زور دیا کہ وہ اس دیوالی پر اپنے گھروں کو دیسی ساختہ مصنوعات سے سجائیں۔ وہ جی ایس ٹی کی کم شرح سے بھی فائدہ اٹھائیں گے۔ ایم ایس ایم ای ، کھادی، اپنی مدد آپ گروپوں، او ڈی او پی اور ہینڈلوم کے لیے 100 سے زیادہ اسٹال لگائے جائیں گے، جہا ضلع میں تیار کردہ مصنوعات کی خریداری کی جا سکے گی۔

ہندوستھان سماچار

ہندوستان سماچار / محمد شہزاد