اسمبلی انتخابات کی وجہ سے سونپور میلے کی تاریخوں میں تبدیلی، 9 نومبر کو افتتاح اور 10 دسمبر کو اختتامپٹنہ، 8 اکتوبر (ہ س)۔ بہار کے مشہور ہریہرعلاقہ سونپور میلہ 2025 کے انعقاد کی تاریخوں میں اسمبلی انتخابات کے پیش نظر تبدیلی کرنے کے مقصد سے ضلع مجسٹریٹ امن سمیر کی صدارت میں کلکٹریٹ سونپور میں منعقد کی گئی۔ ضلع مجسٹریٹ نے کہا کہ الیکشن کمیشن آف انڈیا کے انتخابی اعلان کے مطابق سارن ضلع میں ووٹنگ کی تاریخ 6 نومبر مقرر کی گئی ہے، جس کی وجہ سے پہلے کے شیڈول کے مطابق 3 نومبر کو میلے کو شروع کرنا مشکل ہے۔ضلع مجسٹریٹ نے کہا کہ پوری انتظامی مشینری انتخابات کی تیاریوں میں مصروف رہے گی، میلے کی تاریخوں میں تبدیلی کی ضرورت ہے۔ تمام ممبران سے انفرادی طور پر رائے لی گئی۔ تمام اراکین کے اتفاق رائے سے میلے کا افتتاح 9 نومبر کو اور 10 دسمبر کو اختتام پذیر کرنے کا فیصلہ کیا گیا۔ اس سلسلے میں ایک تجویز حکومت کو منظوری کے لیے بھیجی جائے گی۔ضلع مجسٹریٹ نے کہا کہ کارتک پورنیما کے اسنان کے انتظامات کو پہلے کی طرح یقینی بنایا جائے گا۔ اس میٹنگ میں سینئرسپرنٹنڈنٹ آف پولیس ڈاکٹر کمار آشیش، ڈپٹی ڈیولپمنٹ کمشنر ستیندر کمار پال، ایڈیشنل کلکٹر مکیش کمار کے ساتھ دیگر ضلع/سب ڈویژن/بلاک سطح کے افسران اور مقامی کمیٹی کے معززین موجود تھے۔ہندوستھان سماچار

ہندوستان سماچار / Mohammad Afzal Hassan