بھوپال، 8 اکتوبر (ہ س)۔

مدھیہ پردیش کانگریس کے ترجمان متھن اہیروار نے بدھ کو ایک بیان جاری کرتے ہوئے بی جے پی حکومت پر سنگین الزامات عائد کرتے ہوئے کہا کہ بابا صاحب ڈاکٹر بھیم راو امبیڈکر کو انگریزوں کا ایجنٹ کہنے والے سماج دشمن عناصر کو گرفتار کرنے کے بجائے بی جے پی حکومت مسلسل ان کو تحفظ فراہم کر رہی ہے۔ یہ نہ صرف دلت برادری کے ساتھ ایک سنگین ناانصافی ہے بلکہ آئین کے معمار بابا صاحب کے تئیں توہین کا مظاہرہ بھی ہے۔

متھن اہیروار نے کہا کہ بی جے پی حکومت اس بات کو یقینی بنا رہی ہے کہ بابا صاحب کو آئین کی تشکیل میں ان کی تاریخی شراکت کا کریڈٹ نہ ملے۔ یہ ایک سازش ہے۔ اہیروار نے مطالبہ کیا کہ متعلقہ شخص کے خلاف فوری طور پر ایس سی/ایس ٹی (شیڈولڈ کاسٹس/ٹرائب) پریوینشن آف ایٹروسیٹیز ایکٹ کے تحت مقدمہ درج کیا جائے۔ انہوں نے مطالبہ کیا کہ اس شخص کے گھر کو بلڈوز کرنے کی کارروائی کی جائے۔

کانگریس ترجمان نے کہا کہ اگر یہ کارروائی نہیں کی گئی تو یہ واضح ہو جائے گا کہ بلڈوزر انصاف کا استعمال صرف غریبوں، دلتوں اور اپوزیشن کے خلاف امتیازی ہتھیار کے طور پر کیا جا رہا ہے۔ بی جے پی کو واضح کرنا چاہئے کہ آیا وہ ملوث فرد کے خلاف کارروائی کرنے کے حق میں ہے یا دلت برادری کی تذلیل کو بڑھاوا دے رہی ہے۔ اگر بی جے پی یہ کارروائی نہیں کرتی ہے تو کانگریس کارکنان سڑکوں پر آکر احتجاج کرنے کے لئے مجبور ہوں گے۔

ہندوستھان سماچار

---------------

ہندوستان سماچار / انظر حسن