ممبئی، 8 اکتوبر(ہ س)۔

سنٹرل بیورو آف انوسٹی گیشن (سی بی آئی) نے

سنٹرل جی ایس ٹی ڈپارٹمنٹ کے دو افسران — سپرنٹنڈنٹ وکرم اور انسپکٹر لاو کمار

چتوریا — کو ایک نجی ٹیکسٹائل کمپنی کی جی ایس ٹی رجسٹریشن میں سہولت فراہم کرنے

کے بدلے 25 ہزار روپے رشوت وصول کرتے ہوئے گرفتار کیا۔

سی بی

آئی کے مطابق، متعلقہ کمپنی نے 24 ستمبر کو آن لائن رجسٹریشن کے لیے درخواست داخل

کی تھی۔ بعد ازاں 3 اکتوبر کو جب معائنہ عمل میں آیا تو انسپکٹر نے کمپنی کے

نمائندے سے کہا کہ اگر رجسٹریشن درکار ہے تو رشوت ادا کرنا ضروری ہے، اور اس نے 25

ہزار روپے مانگے۔ اس نے یہ بھی بتایا کہ یہ رقم صرف اس کے لیے نہیں بلکہ اس کے سینئر

افسران کی جانب سے بھی طلب کی گئی ہے۔

شکایت

موصول ہونے کے بعد سی بی آئی نے 7 اکتوبر کو مقدمہ درج کیا اور رشوت خوری کے اس

معاملے میں جال بچھایا۔ کارروائی کے دوران دونوں افسران مغربی ممبئی میں سنٹرل جی

ایس ٹی آفس میں رشوت لیتے ہوئے گرفتار کیے گئے۔ بعد ازاں ان کے دفاتر اور گھروں کی

بھی تلاشی لی گئی۔ سی بی

آئی کے ترجمان نے بتایا کہ اس معاملے کی مکمل تفتیش جاری ہے۔

ہندوستھان

سماچار

ہندوستان سماچار / جاوید این اے