لکشمی پور ریلوے اسٹیشن کے قریب سڑک ٹوٹی، ٹریفک متاثرارریہ، 8 اکتوبر (ہ س)۔ ارریہ میں بہنے والی ندیوں کی طغیانی میں بدھ کے روز کمی آئی ہے۔ دو دنوں سے بارش نہ ہونے کی وجہ سے ضلع میں بہنے والی پرمان، بکرا، رتوا، سرسر، نونا اور دیگر ندیوں کی پانی کی سطح کم ہو رہی ہے۔ حالانکہ نرپت گنج، فاربس گنج، کرسا کانٹا، سکٹی اور جوکیہاٹ بلاکوں میں سیلاب کی صورتحال برقرار ہے۔پانی سڑکوں پر آنے سے کئی مقامات پر سڑکوں کا رابطہ منقطع ہو گیا ہے۔ فاربس گنج کے پپرا، امہارا سمیت کرسا کانٹ بلاک میں بھودھا ہلدھرا روڈ لکشمی پور ریلوے اسٹیشن کے قریب ٹوٹ گیا ہے جس سے ٹریفک بری طرح متاثر ہوئی۔سڑکوں پر ٹریفک مکمل طور پر درہم برہم ہو کر رہ گئی ہے۔ سیلاب کے پانی سے بچنے کے لئے اونچی جگہوں پر جانے میں متاثرین کو پریشان ہورہی ہے۔ ضلع انتظامیہ کی ہدایات پر متعلقہ بلاک کے بلاک ڈیولپمنٹ افسر کو سیلاب سے ہونے والے نقصانات کا جائزہ لینے کی ہدایت دی گئی ہے۔ اس کے بعد ضلع مجسٹریٹ سمیت ریونیو حکام نے گاؤں گاؤں جا کر سیلاب سے ہونے والے نقصانات کا جائزہ لینا شروع کر دیا ہے۔ دوسری جانب سیلاب زدگان کو حکومتی امداد نہ ملنے سے ان میں غم و غصہ بڑھ رہا ہے۔ہندوستھان سماچار

ہندوستان سماچار / Mohammad Afzal Hassan