حیدرآباد، 7 اکتوبر(ہ س)۔

حیدرآباد کے نہروزوالوجیکل پارک میں گزشتہ ہفتہ گجرات کے جام نگر میں واقع رادھا کرشن ٹرسٹ سے لائے گئے تین زیبرا کوان کے پنجرے میں چھوڑاگیا۔ ورلڈ وائلڈ لائف ویک اورزو کا 62 واں یوم تاسیس منایا گیا۔یہ زیبراجانوروں کے تبادلہ کے پروگرام کا حصہ تھے، جس میں حیدرآباد چڑیا گھر نے ماؤس ڈئیر کی 10 جوڑیوں کے بدلے زیبرا حاصل کئے۔ تقریب کے دوران پرنسپل چیف کنزرویٹر آف فاریسٹ، ڈاکٹرسی سوارنانے ریلوے اسٹیشن کے قریب کینٹین اورزومیں بیئرنائٹ ہاؤس کاافتتاح کیا۔ڈاکٹرسوارنا نے تقریب سے خطاب کرتے ہوئے کہا کہ یہ پارک ہندوستان کے قدیم ترین چڑیاگھروں میں سے ایک ہے اور یہاں جانوروں کے لئے بہترین پنجرے موجود ہیں۔ انہوں نے یہ بھی بتایا کہ چڑیا گھر ہر سال 25 لاکھ سے زائد افرادکو اپنی طرف متوجہ کرتا ہے۔

ہندوستھان سماچار

ہندوستان سماچار / محمدعبدالخالق