گوتم بدھ نگر، 7 اکتوبر (ہ س)۔ نوئیڈا انڈسٹریل ڈیولپمنٹ اتھارٹی کے ڈپٹی جنرل منیجر آشیش بھاٹی (48 سال) کا آج صبح دہلی کے اپولو اسپتال میں انتقال ہوگیا۔ وہ کئی دنوں سے ڈینگی بخار میں مبتلا تھے۔ ان کے والد ہریش چندر بھاٹی بی جے پی کے سینئر لیڈر ہیں۔ آشیش کی موت کی خبر سنتے ہی ان کی رہائش گاہ پر بڑی بھیڑ جمع ہوگئی۔

متوفی آشیش بھاٹی کے والد ہریش چندر بھاٹی نے بتایا کہ انہیں ڈینگی ہو گیا تھا۔ انہیں علاج کے لیے دہلی کے اپولو اسپتال میں داخل کرایا گیا تھا۔ علاج کے دوران آج صبح ان کی موت ہوگئی۔ گریٹر نوئیڈا کے بھاٹی زرعی فارم میں ان کی آخری رسومات ادا کی گئیں۔

آشیش کے آخری سفر میں سابق مرکزی وزیر اور بی جے پی ایم پی ڈاکٹر مہیش شرما، راجیہ سبھا ایم پی سریندر نگر، نوئیڈا کے ایم ایل اے پنکج سنگھ، قانون ساز کونسل کے رکن شری چند نگر، بی جے پی کے ضلع صدر ابھیشیک شرما، بی جے پی نوئیڈا میٹروپولیٹن صدر مہیش چوہان، بی جے پی کے سینئر لیڈر یوگیندر چودھری، سابق وزیر نواب سنگھ ناگر، بی جے پی کے میڈیا انچارج امت تیاگی سمیت بڑی تعداد میں لوگ شامل رہے۔

ہندوستھان سماچار

ہندوستان سماچار / محمد شہزاد