حکومت نے چائلڈ رائٹس کمیشن کی از سر نو کمیٹی تشکیل دی

جموں، 7 اکتوبر (ہ س)۔ جموں و کشمیر حکومت نے بچوں کے حقوق کے تحفظ کے کمیشن کے چیئرپرسن اور ممبران کی تقرری کے لیے سلیکشن کمیٹی کی ازسرِ نو تشکیل کی ہے۔

حکومتی حکم نامے کے مطابق یہ کمیٹی وزیرِ سماجی بہبود کی سربراہی میں کام کرے گی، جبکہ سماجی بہبود محکمہ کے انتظامی سکریٹری اور محکمہ قانون، انصاف و پارلیمانی امور کے سکریٹری اس کے رکن ہوں گے۔

کمیٹی منتخب امیدواروں کی فہرست تیار کرکے حکومت کو سفارشات پیش کرے گی، اس عمل میں جموں و کشمیر چائلڈ رائٹس کمیشن رولز 2022 کی مکمل پاسداری کو یقینی بنائے گی اور ہر عہدے کے لیے دو امیدواروں کی ویٹنگ لسٹ بھی تیار کرے گی جو تین ماہ کے لیے قابلِ عمل ہوگی۔

ہندوستھان سماچار

---------------

ہندوستان سماچار / محمد اصغر