کلمب تعلقہ میں شدید بارش، کھیت، فصلیں اور زمینیں بہہ گئیں، کسان مالی بحران میں مبتلا

عثمان

آباد ، 6 اکتوبر(ہ س)۔عثمان آباد ضلع کے کلمب تعلقہ میں ہونے والی

موسلا دھار بارش نے علاقے کی زندگی مفلوج کر دی ہے۔ مسلسل بارش کے سبب ترنا ندی

میں طغیانی آگئی ہے جس نے رتنا پور گاؤں سمیت قریبی دیہاتوں کو اپنی زد میں لے لیا۔

دریا کے کناروں پر واقع کھیت مکمل طور پر زیر آب آ گئے ہیں اور زرخیز زمین کا ایک

بڑا حصہ بہہ گیا ہے۔

رپورٹوں

کے مطابق، کئی کسانوں کی کھڑی فصلیں تباہ ہو گئیں، جبکہ کچھ کی زمینیں دریا میں ضم

ہو گئیں جس سے ان کی زمینوں کی حد بندی ختم ہو گئی۔ طغیانی کی وجہ سے دریا کے

کنارے رہنے والے کسان شدید صدمے میں ہیں۔ مقامی کسانوں نے کہا کہ ’’بارش نے سب کچھ

تباہ کر دیا، اب نہ زمین بچی، نہ فصل‘‘۔

کسانوں

نے انتظامیہ سے مطالبہ کیا ہے کہ فوری طور پر نقصان کا پنچنامہ کیا جائے اور

متاثرہ خاندانوں کے لیے فوری امداد فراہم کی جائے تاکہ ان کے معاشی بحران کو کم کیا

جا سکے۔

ہندوستھان

سماچار

--------------------

ہندوستان سماچار / جاوید این اے