حیدرآباد ،6۔ اکتوبر۔(ہ س)۔

تلنگانہ کے معین آبادبلدی حدودمیں ایک فارم ہاوس پرپولیس نے چھاپہ ماراجہاں 50 نوجوان لڑکے اور لڑکیاں پارٹی کر رہے تھے۔ مصدقہ اطلاع پر ایس او ٹی پولیس نےچھاپہ مارا۔چھاپہ کے دوران شہرکے مختلف علاقوں سے تعلق رکھنے والے 50 نوجوان پکڑے گئے، جن میں 12 لڑکیاں اور 38 لڑکے شامل ہیں۔ ان میں سے کئی کم عمر (نابالغ) تھے۔ پولیس نے تمام افراد کے ڈرگ ٹسٹ کروائے، جن میں ایک نابالغ کے گانجہ استعمال کرنے کی تصدیق ہوئی۔ پولیس نے موقع سے 6 غیر ملکی شراب کی بوتلیں بھی ضبط کیں۔ اطلاعات کے مطابق فارم ہاوس کا مالک، جو آسانی سے دولت کمانا چاہتا تھا، آن لائن پلیٹ فارم کے ذریعہ ٹراپ ہاؤس نامی اکاؤنٹ چلارہاتھا،جس کے ذریعہ نوجوانوں کولبھاکراس پارٹی کااہتمام کیاگیاتھا۔انسٹاگرام پرفرضی آئی ڈی کے ذریعہ ایونٹ کے نام پرانٹری فیس مقررکی گئی تھی فی کس 1600 روپے اور جوڑوں کے لئے 2800 روپے، جن کے ساتھ شراب اور گانجہ بھی فراہم کیا جا رہا تھا۔ پولیس نے تمام 50 نوجوانوں کو حراست میں لے لیاہے اورنابالغوں کے ارکان خاندان کو اطلاع دے دی گئی ہے۔ پولیس نے کیس درج کر کے فارم ہوز کے منتظمین سے یہ معلوم کرنے کے لئے تحقیقات شروع کر دی ہیں کہ گانجہ کہاں سے حاصل کیاگیا۔۔ ہندوستھان سماچار

ہندوستان سماچار / محمدعبدالخالق