ادگیر میں انسانیت کی زندہ مثال، شہریوں کی سدبھاؤنا ہیومن چین نے محبت کا پیغام عام کیا

لاتور، 6 اکتوبر(ہ س)۔ ادگیر شہر میں سدبھاونا منچ

کی جانب سے منعقدہ ’’سدبھاونا ہیومن چین‘‘ نے سماجی اتحاد اور ہم آہنگی کی نئی

مثال قائم کر دی۔ سینکڑوں افراد نے شہر کے شہداء میموریل روڈ پر جمع ہو کر ہاتھوں

میں ہاتھ ڈالے اور بھائی چارے، امن اور انسانی قدروں کا پیغام عام کیا۔

ڈاکٹر

وجے کمار پاٹل، صدر سدبھاؤنا منچ نے بتایا کہ سو سے زیادہ رضاکاروں نے اس زنجیر میں

حصہ لیا۔ بزرگ شہریوں کی موجودگی نے تقریب کو روحانی رنگ دیا، جبکہ نوجوانوں کے

چہروں پر جوش و خروش نے ماحول کو پرجوش بنا دیا۔

پروگرام

کے دوران سترہ بڑے بینرز آویزاں کیے گئے جن پر امن، محبت اور خیر سگالی کے پیغامات

تحریر تھے۔ ’’واسودھائیو کٹمبکم‘‘، ’’بھارت میں بھائی چارہ ہمیشہ قائم رہے‘‘ اور

’’محبت کے پھول نفرت کی دیواریں توڑ دیتے ہیں‘‘ جیسے نعروں نے شہریوں کے دلوں کو

چھو لیا۔

ڈپٹی

کلکٹر سوشانت شندے نے موقع پر پہنچ کر منتظمین کی کاوشوں کو سراہا۔ رضاکاروں نے

عوام سے اتحاد، بھائی چارے اور امن قائم رکھنے کی اپیل کی۔ اس موقع پر قومی ترانے

اور ملی نغمے گائے گئے جبکہ راہگیروں کو خیر سگالی کے پیغامات پر مبنی کتابچے بھی

دیے گئے۔

چھترپتی

شیواجی راجے کالج کے این سی سی طلباء نے بھی زبردست جوش کے ساتھ حصہ لیا، جس سے

تقریب کا ماحول مزید پرجوش ہو گیا۔ اختتامی خطاب میں ڈاکٹر وجے کمار پاٹل نے تمام

شرکاء کا شکریہ ادا کرتے ہوئے کہا کہ ادگیر نے آج دنیا کو انسانیت اور بھائی چارے

کا سبق دیا ہے۔

ہندوستھان

سماچار

--------------------

ہندوستان سماچار / جاوید این اے