ہزاری باغ، 6 اکتوبر (ہ س)۔ تحفظ ماحولیات کمیٹی کے زیراہتمام پیر کو ایک ماحولیاتی سائیکل بیداری ریلی کا انعقاد کیا گیا۔ڈپٹی کمشنر ششی پرکاش سنگھ اور ڈسٹرکٹ فارسٹ آفیسر (ایسٹ) اجول کمار، ڈسٹرکٹ فارسٹ آفیسر (ویسٹ) مون پرکاش اور ڈسٹرکٹ فارسٹ آفیسر (وائلڈ لائف) سورج کمار نے مشترکہ طور پر کنہری سے بیداری سائیکل ریلی کو جھنڈی دکھا کر روانہ کیا۔

اس موقع پر ڈپٹی کمشنر نے کہا کہ ماحولیاتی تحفظ اجتماعی ذمہ داری ہے۔ سائیکل چلانے سے نہ صرف آلودگی کم ہوتی ہے بلکہ صحت مند طرز زندگی کو بھی فروغ ملتا ہے۔ انہوں نے عوام پر زور دیا کہ وہ زیادہ سے زیادہ پودے لگائیں اور ماحولیاتی توازن کو برقرار رکھنے کے لیے سائیکل جیسے ماحول دوست ذرائع کا استعمال کریں۔ ریلی میں اسکول کے بچوں، نوجوانوں، سماجی تنظیموں اور محکمہ جنگلات کے اہلکاروں کی بڑی تعداد نے شرکت کی۔

شرکاءنے صاف ہوا، سرسبز زمین، سائیکل چلاو، آلودگی کو دور کرو جیسے نعرے لگا کر لوگوں کو ماحولیات کے بارے میں آگاہ کیا۔ریلی کے بعد ڈپٹی کمشنر اور ڈسٹرکٹ فاریسٹ افسران نے محکمہ جنگلات کی جانب سے نئے بنائے گئے بائیو ڈائیورسٹی پارک کا دورہ کیا اور مختلف اقسام کے پودوں، دواوں کے پودوں اور ماحولیاتی تحفظ سے متعلق انتظامات کا مشاہدہ کیا۔

اس دوران محکمہ جنگلات کے افسران، ماحولیات کمیٹی کے اراکین، مقامی عوامی نمائندے اور مختلف اسکولوں کے طلباءموجود تھے۔

ہندوستھان سماچار

ہندوستان سماچار / محمد شہزاد