حیدرآباد 6،اکتوبر۔(ہ س)۔

آندھراپردیش کے وزیراعلی وتلگودیشم کے قومی سربراہ این چندرابابونائیڈو نے پارٹی کے دو قائدین کومعطل کردیا۔ ملاوٹی شراب معاملہ میں نام سامنے آنے پرا نہوں نے ڈی جے چندرریڈی اورکے سریندرکوپارٹی سے معطل کردیا۔ملاوٹی شراب کا معاملہ آندھرا پردیش بھر میں موضوع بحث بن گیا ہے تاہم،یہ انکشاف کہ نقلی شراب کا کاروبارحکمران جماعت تلگودیشم کے ایک اہم قائد کی نگرانی میں چل رہا تھا نے معاملے کو مزید سنسنی خیزبنادیا ہے۔وزیراعلیٰ چندرابابونائیڈونے اس معاملہ پراعلیٰ سطحی جائزہ اجلاس منعقد کیا۔انہوں نے متعلقہ حکام کو ہدایت دی کہ ملزمین کے خلاف سخت کارروائی کی جائے اورغیرجانبدارانہ تحقیقات کی جائیں۔وزیراعلیٰ نے واضح کیا کہ ریاست میں نقلی شراب کو کسی صورت برداشت نہیں کیا جائے گا اوراس معاملہ میں انتہائی سخت رویہ اختیار کیا جائے گا۔چندرابابونائیڈوکی ہدایت پران دونوں قائدین کی معطلی کا باضابطہ اعلان آندھراپردیش تلگودیشم صدر پی سرینواس راؤنے کیا۔

ہندوستھان سماچار

ہندوستان سماچار / محمدعبدالخالق