نوی ممبئی میں خوفناک آتشزدگی کے دو الگ الگ واقعات میں چھ سالہ بچی سمیت 6 ہلاک، 13 زخمی
نوی
ممبئی، 21 اکتوبر(ہ س)۔ نوی ممبئی میں منگل کی صبح پیش آئے دو الگ الگ
آتشزدگی کے واقعات نے شہر کو دہلا کر رکھ دیا۔ ان دونوں واقعات میں مجموعی طور پر
چھ افراد جاں بحق اور 13 شدید زخمی ہوگئے۔ فائر بریگیڈ اور پولیس کے مطابق تمام
زخمیوں کو فوری طور پر قریبی اسپتالوں میں داخل کیا گیا ہے جبکہ آگ لگنے کی اصل
وجوہات کا پتہ لگانے کے لیے تفتیش شروع کر دی گئی ہے۔
پہلا
واقعہ رہجا ریزیڈنسی ہاؤسنگ سوسائٹی میں پیش آیا، جہاں عمارت کی 10ویں سے 12ویں
منزل تک شعلے پھیل گئے۔ فائر بریگیڈ کے اہلکاروں نے اطلاع ملتے ہی موقع پر پہنچ کر
کئی گھنٹوں کی کوشش کے بعد آگ پر قابو پایا۔ اس حادثے میں چار افراد اپنی جان سے
ہاتھ دھو بیٹھے، جن میں چھ سالہ بچی ودیکا سندر بالکرشنن، کملہ ہیرل جین (84)،
سندر بالکرشنن (44) اور پوجا راجن (39) شامل ہیں۔ اس واقعے میں دس افراد جھلس کر
زخمی ہوئے جن کا علاج جاری ہے۔
دوسرا
افسوسناک واقعہ اسی روز صبح سیکٹر 36 کے امبے شردھا کوآپریٹو سوسائٹی کے ایک مکان
میں پیش آیا۔ یہاں آگ لگنے کے نتیجے میں دو افراد جاں بحق اور تین زخمی ہوئے۔ فائر
بریگیڈ نے بیڈروم سے دونوں لاشوں کو نکال کر اسپتال منتقل کیا، جبکہ واشی پولیس نے
تحقیقات شروع کر دی ہیں۔ اب تک مرنے والوں اور زخمیوں کی شناخت ظاہر نہیں کی گئی
ہے۔
ان
دونوں حادثات نے نوی ممبئی میں فلیٹس اور رہائشی عمارتوں میں حفاظتی انتظامات پر ایک
بار پھر سوال اٹھا دیے ہیں۔
ہندوستھان
سماچار
--------------------
ہندوستان سماچار / جاوید این اے
