۔تقریباً 70 ای اسکوٹی اور 100 سے زیادہ بیٹریاں جل گئیں

حصار، 21 اکتوبر (ہ س)۔ دیوالی کی رات شہر کے پرانے آٹو مارکیٹ میں ایک بڑا حادثہ پیش آیا۔ برقی شارٹ سرکٹ کی وجہ سے دکان نمبر 305، ستگرو ٹریڈر واقع ای- اسکوٹر اور بیٹری ایجنسی میں زبردست آگ لگ گئی۔ آگ نے تیزی سے پورے شوروم کو اپنی زد میں لے لیا۔

اطلاع ملتے ہی فائر بریگیڈ کی تقریباً پانچ گاڑیاں جائے وقوعہ پر پہنچ گئیں۔ تقریباً دو گھنٹے کی محنت کے بعد آگ پر قابو پالیا گیا۔ آگ کے شعلے اس قدر شدید تھے کہ ایجنسی کے اندر کھڑی تقریباً 70 -ای اسکوٹی اور 100 سے زائد بیٹری سیٹ جل کر خاکستر ہو گئیں۔ غنیمت رہی کہ کوئی جانی نقصان نہیں ہوا۔ سٹی تھانہ انچارج محمد رفیق اپنی ٹیم کے ہمراہ جائے وقوعہ پر پہنچے اور صورتحال کا جائزہ لیا۔

ستگرو ٹریڈر ایجنسی گزشتہ دو برسوں سے مینک انیجا اور امن بھوٹانی کے درمیان شراکت داری سے چل رہی تھی۔ آگ لگنے سے کافی مالی نقصان ہوا ہے۔ مقامی لوگوں نے رات کے وقت دکان سے دھواں اور آگ کے شعلے اٹھتے دیکھ کر فوری طور پر فائر ڈیپارٹمنٹ کو آگاہ کیا۔ آگ پر بروقت قابو پا لیا گیا جس سے قریبی دکانوں کو نقصان ہونے سے بچا لیا گیا۔

ہندوستھان سماچار

ہندوستان سماچار / محمد شہزاد