عثمان آباد ضلع کے امرگا میں دو لگژری کاروں کی ٹکر، چار ہلاک

عثمان آباد، 21 اکتوبر(ہ س)۔ مہاراشٹر کے عثمان

آباد ضلع میں منگل کی صبح پیش آنے والے ایک سنگین سڑک حادثے میں

چار افراد اپنی جان سے ہاتھ دھو بیٹھے، جب کہ دو دیگر شدید طور پر زخمی ہو گئے۔

پولیس کے مطابق یہ حادثہ شولاپور–حیدرآباد ہائی وے پر امرگا تحصیل کے قریب ڈالمب

گاؤں کے پاس اس وقت پیش آیا جب دو تیز رفتار کاریں آمنے سامنے آ گئیں۔

عینی

شاہدین کے مطابق، دونوں لگژری کاریں مخالف سمتوں سے آرہی تھیں کہ اچانک ٹکرا گئیں۔

ٹکر اتنی خوفناک تھی کہ ایک کار میں سوار چاروں افراد موقع پر ہی ہلاک ہو گئے۔

دوسری کار میں موجود دو افراد زخمی حالت میں اسپتال منتقل کیے گئے ہیں۔ انہیں فوری

طبی امداد کے لیے شولاپور سول اسپتال میں داخل کرایا گیا ہے۔

پولیس

افسر نے بتایا کہ حادثے کے شکار چاروں افراد عثمان آباد ضلع سے بیدر کے کھسم پور

گاؤں جا رہے تھے۔ واقعہ کی اطلاع ملتے ہی عثمان آباد ضلع پولیس اسٹیشن کی ٹیم

جائے وقوعہ پر پہنچی اور لاشوں کو برآمد کر کے پوسٹ مارٹم کے لیے بھیج دیا۔ پولیس

نے سڑک پر موجود دونوں تباہ شدہ گاڑیوں کو اپنی تحویل میں لے لیا ہے۔

ابتدائی

تحقیقات میں معلوم ہوا ہے کہ دونوں کاریں غیر معمولی رفتار سے چل رہی تھیں۔ پولیس

نے واقعے کی مکمل جانچ شروع کر دی ہے تاکہ حادثے کی وجوہات واضح ہو سکیں۔ اب تک

مرنے اور زخمی ہونے والوں کی شناخت نہیں ہو سکی ہے، لیکن حکام کے مطابق شناخت کا

عمل جلد مکمل کر لیا جائے گا۔

پولیس

کا کہنا ہے کہ یہ حادثہ ڈرائیونگ میں لاپرواہی اور تیز رفتاری کا نتیجہ معلوم ہوتا

ہے۔ سڑک پر دونوں کاروں کے ملبے کو ہٹانے کے بعد ٹریفک کو معمول پر لایا گیا ہے۔

ہندوستھان

سماچار

--------------------

ہندوستان سماچار / جاوید این اے