حیدرآباد ،19 ۔اکتوبر۔(ہ س)۔تلنگانہ کے ضلع میدک میں ایک سنار نے خودکشی کرلی۔یہ 40سالہ سنار جس کی شناخت نریش چاری کے طورپر کی گئی ہے، سونے اور چاندی کی قیمتوں میں شدید اضافہ کی وجہ سے کافی دن سے کام نہیں کرپا رہا تھا، اتوار کی صبح اس نے مکان میں پھانسی لے کرخودکشی کر لی۔اطلاعات کے مطابق وہ شدید مالی مشکلات کا شکار تھا کیونکہ کاروبار سست ہو گیا تھا، خاص طور پر کارپوریٹ جیولری اسٹورس کے بڑھنے کے بعد۔پچھلے چند مہینوں میں سونے اور چاندی کی قیمتوں میں تیزی سے اضافہ نے صورتحال کو مزید بگاڑ دیا جس کے نتیجہ میں فروخت میں کمی آئی۔جس سے دیہی سطح پر سونے کے کاریگر اورسنارپریشان ہیں۔ اس سنار کی خودکشی کے بعد پولیس نے مقدمہ درج کر کے تحقیقات کا آغازکردیا۔

ہندوستھان سماچار

ہندوستان سماچار / محمدعبدالخالق