پرتھ، 19 اکتوبر (ہ س)۔

پرتھ میں کھیلے گئے پہلے ون ڈے میں آسٹریلیا نے بھارت کو سات وکٹوں سے شکست دے دی۔ اس کے ساتھ ہی آسٹریلیا نے تین ایک روزہ میچوں کی سیریز میں 1-0 کی برتری حاصل کر لی ہے۔ دونوں ٹیموں کے درمیان اگلا میچ 23 اکتوبر کو ایڈیلیڈ میں کھیلا جائے گا۔

میچ میں آسٹریلیا نے ٹاس جیت کر پہلے گیند بازی کا فیصلہ کیا۔ بارش کی وجہ سے کھیلے گئے میچ میں ہندوستان نے بیٹنگ کرتے ہوئے 26 اوورز میں نو وکٹوں پر 136 رنز بنائے۔ بارش کے باعث میچ کو کئی بار روکا گیا جس کے باعث اوورز میں کمی کی گئی اور میچ کو 26 اوورز تک محدود کر دیا گیا۔ ہندوستان کی اننگز کے بعد، میزبان ٹیم کو ڈک ورتھ لوئس کے تحت جیتنے کے لیے 26 اوورز میں 131 رنز کا ترمیمشدہ ہدف دیا گیا۔ جواب میں آسٹریلیا نے ہدف 21.1 اوورز میں تین وکٹوں کے نقصان پر 131 رنز بنا کر حاصل کر لیا۔

بھارت کے خلاف 131 رنز کے ہدف کے تعاقب میں آسٹریلیا کی شروعات اچھی نہیں رہی۔ اوپنر ٹریوس ہیڈ آٹھ رنز بنا کر آو¿ٹ ہوئے۔ ہیڈ کو ارشدیپ سنگھ نے پویلین بھیجا۔ اس کے بعد اکسر پٹیل نے میتھیو شارٹ کو آو¿ٹ کرکے آسٹریلیا کو ایک اور جھٹکا دیا۔ میتھیو بھی آٹھ رنز بنا کر آو¿ٹ ہوئے۔ دو وکٹیں گنوانے کے بعد کپتان مچل مارش اور جوش فلپ نے 50 سے زائد رنز کی شراکت قائم کر کے ٹیم کو فتح کے قریب پہنچا دیا۔ ٹیم فتح کی طرف بڑھ رہی تھی جب 99 کے مجموعی سکور پر فلپ 29 گیندوں پر 37 رنز بنا کر آو¿ٹ ہوئے۔آخر میں کپتان مارش نے 52 گیندوں پر ناقابل شکست 46 رنز اور میٹ رینشا نے ناٹ آو¿ٹ 21 رنز بنا کر ٹیم کو فتح دلائی۔

ہندوستان کی جانب سے ارشدیپ سنگھ، اکسر پٹیل اور واشنگٹن سندر نے ایک ایک وکٹ حاصل کی۔

روہت اور کوہلی نے مایوس کیا۔ اس سے قبل ہندوستان کی بیٹنگ ناقص رہی اور ٹیم نے پاور پلے میں ہی روہت شرما، وراٹ کوہلی اور کپتان شبھمن گل کی وکٹیں گنوا دیں۔ روہت اور کوہلی دونوں 223 دن بعد ایک میچ کھیل رہے تھے۔ انہوں نے آخری بار چیمپئنز ٹرافی کا فائنل 9 مارچ کو کھیلا تھا۔ آج جب وہ بلے بازی کے لیے باہر آئے تو کسی بھی بلے باز نے زیادہ بہتر نہیں کیا۔ روہت نے 8 رنز بنائے، جب کہ کوہلی اپنا کھاتہ کھولنے میں ناکام رہے۔ اس کے بعد شریس ایئر 11 رنز بنانے کے بعد آو¿ٹ ہوئے۔

اکشر پٹیل اور کے ایل راہل نے اننگز کو مستحکم کرنے کی کوشش کی، لیکن مسلسل بارش نے ان کی رفتار کو متاثر کیا۔ بارش کے باعث میچ کو 26 اوورز تک محدود کر دیا گیا۔ راہل نے تیزی سے کھیلنا شروع کیا، ہندوستان کے اسکور کو 100 سے آگے لے گئے۔ تاہم، ایک بڑا شاٹ لگانے کی کوشش میں، راہل آو¿ٹ ہوگئے۔ راہل نے 31 گیندوں پر 38 رنز بنائے۔ اس سے قبل اکشر نے 31 رنز بنائے تھے۔ ان دونوں کے آو¿ٹ ہونے کے بعد دیگر بلے باز زیادہ کچھ نہ کر سکے اور بھارتی ٹیم 26 اوورز میں نو وکٹوں کے نقصان پر صرف 136 رنز ہی بنا سکی۔

آسٹریلیا کی جانب سے میتھیو کوہنیمن، مچل اوون اور جوش ہیزل ووڈ نے دو دو جبکہ مچل اسٹارک اور نیتھن ایلس نے ایک ایک وکٹ حاصل کی

ہندوستھان سماچار

ہندوستان سماچار / عطاءاللہ