گاندھی نگر، 13 اکتوبر (ہ س):۔

شمالی گجرات وائبرینٹ گجرات ریجنل کانفرنس (وی جی آر سی) کے ایک حصے کے طور پر مہسانہ، گجرات میں منعقدہ بین الاقوامی خریدار وفروخت کنندگانمیٹنگ نے 500 کروڑ مالیت کی برآمدی صلاحیت کے امکانات روشن ہوئے۔ یہ معلومات فیڈریشن آف انڈین ایکسپورٹ آرگنائزیشنز (ایف آئی ای او) نے پیر کو ایک بیان میں دی ہے۔

فیڈریشن آف انڈین ایکسپورٹ آرگنائزیشنز (ایف آئی ای او) نے آج ایک بیان میں کہا کہ دو روزہ ایونٹ کو صنعت کے نمائندوں کی جانب سے زبردست ردعمل ملا۔ ایونٹ میں امریکہ، جرمنی، روس، متحدہ عرب امارات، ویت نام، مصر، ایتھوپیا، گھانا، تنزانیہ، یوگنڈا، بھوٹان، عمان، بحرین، نیپال، ازبکستان، یوکرین اور بوٹسوانا سمیت کل 17 ممالک نے شرکت کی۔

فیڈریشن نے اطلاع دی کہ اس تقریب میں گجرات سمیت ہندوستان کے مختلف حصوں سے 40 بین الاقوامی خریداروں اور 850 سے زیادہ مقامی فروخت کنندگان نے شرکت کی۔ دو دنوں کے دوران مجموعی طور پر 2,200 سے زیادہ کاروباری میٹنگیں ہوئیں، اور 350 سے زیادہ مفاہمت کی یادداشتوں (ایم او یوز) پر دستخط کیے گئے۔

اس بین الاقوامی میٹنگ کے نتیجے میں 500 کروڑ سے زیادہ کی برآمدی امکانات روشن ہوئے ہیں۔ جس سے گجرات کی برآمدی صلاحیت کو ایک نئی تحریک ملی۔ایف آئی ای او کے صدر رلہاس نے بتایا کہ دو روزہ بین الاقوامی خریدار و فروخت کنندگان اجلاس میں ٹیکسٹائل، فارماسیوٹیکل، کیمیکل، زراعت اور فوڈ پروسیسنگ، اور انجینئرنگ سامان جیسے اہم شعبوں پر توجہ مرکوز کی گئی۔ یہ تقریب عالمی تجارتی روابط کو بڑھانے اور سپلائی چین پارٹنرشپ کو مضبوط بنانے کے لیے ایک موثر ذریعہ ثابت ہوئی۔ اس نے گجرات کو ایک اہم برآمدی مرکز کے طور پر قائم کرنے میں بھی اہم کردار ادا کیا۔

ہندوستھان سماچار

ہندوستان سماچار / عطاءاللہ