بھونیشور، 12 اکتوبر (ہ س)۔
اوڈیشہ ریاستی خواتین کمیشن نے اتوار کو اعلان کیا کہ کمیشن کی ایک ٹیم جلد ہی مغربی بنگال کے درگاپور کا دورہ کرے گی تاکہ اوڈیا میڈیکل کی ایک طالبہ کے ساتھ اجتماعی عصمت دری کی تحقیقات کی جاسکے۔ اس گھناو¿نے واقعے پر گہرے غم و غصے کا اظہار کرتے ہوئے کمیشن کی چیئرپرسن شوبھنا موہنتی نے کہا کہ متاثرہ کے لیے انصاف کو یقینی بنانے کے لیے ہر ممکن اقدام کیا جائے گا۔
میڈیا سے بات کرتے ہوئے موہنتی نے کہا، میں متاثرہ خاندان کے ساتھ مسلسل رابطے میں ہوں۔ اے ڈی ایم اور ڈسٹرکٹ ویلفیئر آفیسر سمیت ایک ٹیم پہلے ہی جائے وقوعہ کا دورہ کر چکی ہے اور مقامی انتظامیہ اور پولیس حکام سے بات چیت کی ہے۔ انہوں نے اس بات کا اعادہ کیا کہ کوئی بھی قانون سے بالاتر نہیں ہے اور قصورواروں کو سخت سے سخت سزا دی جائے گی۔ مغربی بنگال میں امن و امان کی بگڑتی ہوئی صورتحال پر تنقید کرتے ہوئے موہنتی نے اس کا موازنہ آر جی کر میڈیکل کالج میں عصمت دری اور قتل کیس سے کیا۔ انہوں نے کہا، بدقسمتی سے، مغربی بنگال میں امن و امان کی صورتحال بدستور تشویشناک ہے۔
ریاست میں خواتین کے تحفظ پر شدید تشویش کا اظہار کرتے ہوئے، انہوں نے کہا کہ کمیشن اس معاملے میں انصاف کو یقینی بنانے کے لیے پرعزم ہے اور تحقیقات کی پیش رفت کی مسلسل نگرانی کرے گا۔
ہندوستھان سماچار
ہندوستان سماچار / عطاءاللہ
12 Oct 2025
