بجنور، 03 ستمبر (ہ س)۔ اتر پردیش کے بجنور ضلع میں پولیس نے بغیر اجازت اور مقررہ معیار سے زیادہ آواز میں بجنے والے لاؤڈ اسپیکر کے خلاف تین روزہ مہم شروع کی ہے۔ضلع مجسٹریٹ اور ایس پی کی ہدایت پر پولیس ٹیموں نے تحقیقات کا آغاز کیا اور پہلے ہی دن 90 سے زائد مقامات سے لاؤڈ اسپیکر ہٹا کر اپنی تحویل میں لے لیے اور مذہبی رہنماؤں کو مقررہ ڈیسیبل کے اندر آواز رکھنے کی سخت ہدایات دیں۔ ضلع جیل کے معائنہ کے دوران ضلع مجسٹریٹ جسجیت کور اور ایس پی کے کے بشنوئی ن کو مسجد سے اذان کی بہت تیز آواز سنائی دی جس کے بعد یہ کارروائی شروع کی گئی۔
اس سلسلے میں، چاند پور سرکل آفیسر کی قیادت میں، چاند پور تھانہ علاقے کے تحت کھیڑکی گاؤں میں ایک مذہبی مقام پر نصب لاؤڈ اسپیکر کو مقررہ شور کے معیار کے مطابق ہٹا دیا گیا۔ کارروائی کے دوران مسلم براداری کے ارکان نے پولیس کے ساتھ تعاون کیا اور خود لاؤڈ اسپیکر کو ہٹانے میں مدد کی۔
پولیس نے کہا کہ مذہبی مقامات پر آواز کے حوالے سے قائم کردہ اصولوں اور معیارات کی تعمیل کو یقینی بنانا ضروری ہے۔ ہٹائے گئے لاؤڈ اسپیکر عوامی فائدے اور تعلیمی استعمال کے لیے گاؤں کھیڑکی کے پرائمری اسکول کے پرنسپل/اسکول انتظامیہ کے حوالے کیے گئے۔
پولیس حکام کے مطابق، اس کارروائی کا مقصد کسی مذہبی جذبات کو ٹھیس پہنچانا نہیں ، بلکہ قواعد و ضوابط اور مقررہ شور کے معیارات کی تعمیل کو یقینی بنانا تھا۔ علاقہ مکینوں کے تعاون سے پوری مہم پرامن طریقے سے انجام پائی ۔
ہندوستھان سماچار
ہندوستان سماچار / محمد شہزاد
