آئی اے ایس-پی سی ایس افسران اور موضوع کے ماہرین سے ملے گی انٹرویو کی تیاری کے بارے میں رہنمائی

لکھنو، 20 ستمبر(ہ س)۔ اتر پردیش پبلک سروس کمیشن (یو پی پی ایس سی) 2025 کے مرکزی امتحان میں کامیاب امیدواروں کو آنے والے انٹرویو کے لیے بہتر طور پر تیار کرنے کے مقصد سے محکمہ سماجی بہبود 23 ستمبر سے ایک خصوصی ماک انٹرویو پروگرام منعقد کرنے جا رہا ہے۔ یہ پروگرام کئی مراحل میں منعقد کیا جائے گا۔ اس کے ذریعے امیدواروں کو انٹرویو کی باریکیوں، شخصیت کی پیشکش اور اعتماد کے ساتھ سوالات کے جوابات دینے کے لیے تیار کیا جائے گا۔ماک انٹرویو چھترپتی ساہو جی مہاراج ریسرچ اینڈ ٹریننگ انسٹی ٹیوٹ، بھاگیداری بھون، گومتی نگر میں ہوگا۔

ڈپٹی ڈائریکٹر، محکمہ سماجی بہبود، آنند کمار سنگھ نے اتوار کو کہا کہ چھترپتی ساہو جی مہاراج ریسرچ اینڈ ٹریننگ انسٹی ٹیوٹ، بھاگیداری بھون، لکھنو، جو محکمہ سماجی بہبود کے زیر انتظام ہے اور ریاست کے دیگر پری امتحان تربیتی مراکز سے تربیت حاصل کرنے والے امیدوار، مکھیہ منتری ابیودیا یوجنا کے امیدوار اور کسی بھی زمرے کے دلچسپی رکھنے والے امیدوار جو یو پی پی ایس سی-2025 کے مرکزی امتحان میں کامیاب ہوتے ہیں، اس مفت ماک انٹرویو میں شرکت کر سکیں گے۔

انہوں نے کہا کہ اتر پردیش اکیڈمی آف ایڈمنسٹریشن اینڈ مینجمنٹ (یو اے پی اے ایم) سے وابستہ آئی اے ایس-پی سی ایس افسران اور موضوع کے ماہرین ماک انٹرویو میں امیدواروں کی رہنمائی کریں گے۔ انہیں انٹرویو کی تیاری کی حکمت عملی، سوالات کے موثر طریقے سے جواب دینے، شخصیت کی پیشکش، مواصلاتی مہارت اور خود اعتمادی کو برقرار رکھنے سے متعلق اہم تجاویز دی جائیں گی۔ اس سے امیدواروں کو اپنی خامیوں کی نشاندہی کرنے اور ان میں بہتری لانے کا موقع ملے گا۔

قابل ذکرہے کہ وزارت سماجی بہبود کے ذریعے ریاست بھر میں آٹھ رہائشی کوچنگ مراکز چلائے جا رہے ہیں۔ امیدواروں کو مفت رہائشی تربیت کے ساتھ ساتھ میس، لائبریری، انٹرنیٹ، ٹیسٹ سیریز، مطالعاتی مواد، تفریح، کھیل اور جم جیسی سہولیات بھی فراہم کی جا رہی ہیں۔

ہندوستھان سماچار

---------------

ہندوستان سماچار / عبدالسلام صدیقی